| e-texts navigator |
| Wylie |
211a1 འབད་པ་ནི།། འུག་པ་དང་ནི་སྲིན་བྱ་དང་།། གདུག་པའི་བྱ་རྣམས་སྒྲོགས་པའི་ས།། གནས་ནི་རྣམ་པར་ལྟས་པ་དང་།། གདགས་པ་ཡང་ནི་ཤེས་པ་སྟེ།། གནམ་ལྕགས་ལྟ་བུའི་མདེ་འུས་ནི།། དཔའ
211a2 བོས་དགྲ་བོའི་ཡུལ་དུ་འཕང་།། བྱོལ་སོང་རྣམ་པར་འཐབ་པ་དང་།། ཤི་བ་ཉིད་དུ་ཐེ་ཚོམ་མེད།། ཡང་ནི་མཁས་པས་འབད་པར་བཤད།། རི་རབ་རི་རུ་བཅས་པ་ལ།། མཁས་པས་ཀུན་ཏུ་བསྐོར་བ་ཡིས།། ཚད་དང
211a3 ལྡན་པའི་ཚུལ་དུ་ནི།། མཁས་པས་མནན་པའི་ལས་རྣམས་ལ།། རྣམ་པར་འཕང་བ་ས་བོན་ཆེ།། ཡང་ནི་མཁས་པས་འབད་པ་ནི།། པྲ་དང་བྱི་བ་ཕྱི་བ་ཡིས།། བརྐོས་པའི་ས་ནི་དུ་མར་བསྲེས།། གཟུགས་དང་བཅས
211a4 པ་ལེགས་བྱས་ཏེ།། མཁས་པས་ས་བོན་ཆེར་གནས་པའི།། རྭ་ཅན་ཀུན་གྱི་ཐོད་པ་རུ།། ལེགས་པར་གནས་པ་འབད་པར་ནི།། བསྒྲུབ་བྱ་བྱོལ་སོང་རྭ་ཡིས་གསོད།། དེ་ནས་བརྟག་པ་བྱ་བ་ནི།། དཔའ་བོས་རྣམ་པར
211a5 དཔྱད་མི་དགོས།། དུར་ཁྲོད་ཀྱི་ནི་སོལ་བ་ལ།། བསྒྲུབ་པའི་གཟུགས་སུ་བསྲེས་ཏེ་བྱ།། ཚེར་མའི་དབུས་ན་གནས་པ་ལ།། དུར་ཁྲོད་ནང་དུ་སོང་ནས་ནི།། དུར་ཁྲོད་མེ་ལ་འབད་པར་བྱ།། བསྒྲུབ་བྱ་མེ་ཡིས་ཚིག་པ
211a6 དང་།། རྣམ་པར་བྲོས་ཏེ་འཆི་བར་འགྱུར།། དེ་ནས་དཔའ་བོས་ལེགས་འབད་པ།། ཀུན་ཏུ་མཐའ་ཡས་སྔགས་ཀྱི་མཐུས།། དཔའ་བོས་ལེགས་པར་གསད་པ་ནི།། རོ་ནི་གསར་པ་ལེགས་སྤྱད་པ།། ཡན་ལག་རྣམ་པར
iiif viewer powered by OpenSeadragon
