| e-texts navigator |
| Wylie |
210b1 དང་ཤིང་དང་ལྕགས།། དངོས་པོ་རྣམས་ཀྱི་གཟུགས་བྱས་ཏེ།། མཁས་པས་བརྩེགས་དང་བྲི་བ་དང་།། ལེགས་པར་བསམ་པའི་རང་བཞིན་ལ།། ས་བོན་བཅས་པ་དང་པོའི་ཚད།། མཁས་པས་ཅི་རན་འབད
210b2 པར་བྱ།། དེ་ནི་དེ་ཡིས་གནོན་པ་སྟེ།། མཁས་པའི་ལས་རྣམས་ཆུད་མི་ཟ།། ཞི་བར་འདོད་ན་ཞོ་དང་ནི།། ཐང་ཆུའི་ཁུ་བས་བཀྲུ་བར་བྱ།། མཁས་པས་དབང་དུ་བྱ་བ་ནི།། པདྨའི་ཡུམ་མཆོག་རཱ་གའི་མདོག། བྷ་ག
210b3 ལེགས་པར་གནས་པ་ལ།། ཟངས་མའི་ཁབ་ཀྱིས་གཙག་པ་ཡི།། ཤུལ་དུ་ས་བོན་གཞག་པར་བྱ།། འདིས་ནི་དངོས་པོ་ཐམས་ཅད་དང་།། མི་ཡི་གཙོ་བོ་དབང་དུ་འགྱུར།། ཞི་བར་འདོད་ན་པད་མ་ནི།། དམར་པོ
210b4 བསྲེག་པས་ཞི་བར་བཤད།། ལྷ་ཡི་བུ་མོ་འགུགས་འདོད་པས།། མཁས་པས་པདྨའི་རྩ་བ་ལ། ཁབ་ཀྱིས་ཕུག་པའི་ཤུལ་དུ་ནི།། ས་བོན་གནས་པ་བསྲེགས་ནའོ།། དེ་ནས་ཡང་དག་བཤད་པ་ནི།། སྐྲ་དང་རྗེས་ཀྱི་དུམ
210b5 བུ་ལ།། གང་གི་གཟུགས་ནི་ལེགས་བྱས་ཏེ།། ཉུང་དཀར་རྒྱལ་པོ་བརྟགས་པས་ནི།། རྣམ་པར་འཆི་བ་ཁོ་ན་ཡིན།། དེ་ནས་ཡང་དག་བཤད་བྱ་བ།། ཐོད་པ་མང་པོའི་ནང་དུ་ནི།། དུག་དང་ཁྲག་ལ་སོགས་པ
210b6 ཡི།། དབུས་ན་གནས་པའི་གཟུགས་ཡིན་ཏེ།། ས་བོན་ཆེན་པོས་རྣམ་པར་འཕང་།། ཐམས་ཅད་དགུག་དང་བཏབ་པ་དང་།། མཚན་མ་ཚང་ན་འཕང་བར་བྱ།། མྱུར་དུ་ཤི་བར་ཐེ་ཚོམ་མེད།། གཞན་ཡང་མཁས་པས
iiif viewer powered by OpenSeadragon
