| e-texts navigator |
| Wylie |
20b1 ཆེན་གྱི།། དཀྱིལ་འཁོར་དམ་པ་བསྟན་པ་ནི།། དང་པོ་གཞུང་དང་མཐུན་པ་ཡི།། ས་ཕྱོགས་དེ་དང་དེ་ཉིད་དུ།། རྣལ་འབྱོར་དམ་པ་དེ་གནས་པས།། རང་གི་སྙིང་གར་ཧཱུཾ་བསམས་ལ།། དེ་ལས་འོད་འཕྲོས་སངས་རྒྱས
20b2 མཐོང་།། མཆོད་འབུལ་ལ་སོགས་གཞུང་བཞིན་དུ།། དེ་ལ་ཤཱུ་ནྱ་ཏཱ་ཡིས་སྦྱངས།། དེ་རྗེས་གཞལ་ཡས་ལ་སོགས་པའི།། རྒྱན་དང་ལྡན་པ་དེ་མཐོང་ནས།། འཁོར་ལོ་རྩིབས་བཞི་མུ་ཁྱུད་བཅས།། གྲུ་ཆད་བཞི་ཡིས
20b3 རྣམ་པར་མཛེས།། ཉི་མ་ཟླ་བའི་གདན་སྟེངས་སུ།། ཧཱུཾ་ཆེན་ཡབ་ཡུམ་འཁོར་ཚོགས་དབབ།། ས་བོན་བཀོད་ལ་གསལ་བར་བརྟག། དྲོད་གཤེར་ལས་སྐྱེས་ཡིན་པར་ནི།། མཁས་པས་བརྟགས་ཏེ་ཤེས་པར་གྱིས།། དེ
20b4 ནས་གཙོ་བོའི་སེམས་དེ་ཡིས།། ཕྱོགས་བཅུའི་སངས་རྒྱས་རྣམས་བཀུག་སྟེ།། བསྟིམ་པས་དབང་ཡང་རྫོགས་པར་ལྡན།། དེ་ལ་ཕྱི་ནང་མཆོད་པས་མཆོད།། གསང་བའི་དོན་དམ་ཡང་དག་སྟེ།། དེ་ཡིས་ལས་རྣམས
20b5 བརྩམ་པར་བྱ།། རྒྱུད་ཀྱི་རྒྱལ་པོ་ཧཱུཾ་ཀ་རའི་རྒྱུད་ལས།། གླེང་གཞིའི་ལེའུ་སྟེ་དང་པོའོ།། །། དེ་ནས་ཡང་འདི་སྐད་གསུངས་ཏེ།། ཧཱུཾ་ཀཱ་ར་ཡི་དཀྱིལ་འཁོར་ནི།། ཟླ་གམ་དམར་པོའི་དཀྱིལ་འཁོར་ལ།། མཛེས་པའི
20b6 སྐུ་མཆོག་གསལ་བ་ནི།། སྔགས་བཟླས་པ་ཡིས་གསལ་བར་གྱུར།། སྐུ་གསུང་ཐུགས་ཀྱི་རྡོ་རྗེ་བསམ།། བཟླས་པའི་ཡིག་འབྲུ་ཡང་དག་དགོད།། ཤེས་རབ་གསལ་བའི་ཡི་གེ་ཡིས།། བུམ་པ་དམར་པོ་འོད་དང
iiif viewer powered by OpenSeadragon
