| e-texts navigator |
| Wylie |
209a1 ནི་སྤྱན་སྔ་རུ།། ས་བོན་བཅས་པར་མཁས་པ་ཡིས།། གཏེར་གྱི་ཆོ་ག་བརྩམ་པར་བྱ།། ས་ཡི་ལྷ་མོའི་དྲུང་དུ་ནི།། ས་བོན་བཅས་པའི་ཆོ་ག་ཡིས།། ས་བཞི་བཀྲ་ཤིས་གཙང་མར་སྦྱར།། སྦྱིན་སྲེག་བྱེད
209a2 པའི་དུས་རྣམས་ལ།། དྲང་སྲོང་ལ་སོགས་དཀྱིལ་འཁོར་ལ།། ཐམས་ཅད་མཆོད་པར་བྱ་བ་ལ།། བགེགས་རྣམས་ཀྱང་ནི་མྱུར་དུ་སྲེག། རྣམ་པར་ཉོན་མོངས་འགྱུར་བ་ཡི།། གང་དག་འཇིགས་པ་ཆེར་གཡོས་ན།། བྱ
209a3 ཁྱུང་རྒྱལ་པོའི་དྲུང་དུ་ནི།། མཁས་པས་ས་བོན་སྔགས་དང་བཅས།། མཁས་པའི་ཆོ་ག་རྫོགས་པ་དང་།། ས་བོན་གདགས་བྱའི་གནས་སུ་གདགས།། དུག་རྣམས་བདུད་རྩིར་སྣང་བར་བྱེད།། འདི་ལ་རྣམ་པར་དཔྱད
209a4 མི་དགོས།། མཁས་པས་ཙནྡན་ལ་སོགས་པ།། མེ་དཔུང་ཐལ་བའི་གཟུགས་ཀྱིས་ནི།། གང་དག་གནོད་པར་སྣང་བ་ལ།། མཆེ་བའམ་ནི་གཟུགས་བསྟན་ལ།། ས་བོན་ཆེན་པོས་བསྣུན་པ་དང་།། ཕྱོགས་རྣམས་སུ་ཡང
209a5 བསྣུན་པ་ཡིས།། གནོད་པ་ཐམས་ཅད་ཞི་བར་འགྱུར།། ཐམས་ཅད་ལོ་ཏོག་གནོད་ལ་སོགས།། བྱ་དང་བྱེའུ་ལ་སོགས་པ།། གཟུགས་བརྙན་རྡོ་རྒྱུས་དག་གིས་ཏེ།། ས་བོན་བཅས་པས་འཆིང་བར་འགྱུར།། འདི་ལ
209a6 རྣམ་པར་དཔྱད་མི་དགོས།། མཁས་པས་རྡོ་རྗེའི་ཆུ་རྣམས་ནི།། ཆུ་ཡི་སྣོད་དུ་གནས་པ་ལས།། ས་བོན་སྔགས་དང་བཅས་པ་ཡིས།། ཆུ་ནི་རྡོ་རྗེ་འདྲར་འགྱུར་ཏེ།། བརྟན་པར་གྱུར་ན་མཁས་པ་ཡིས།། ཆུ་བོ་རྐང་པས
iiif viewer powered by OpenSeadragon
