| e-texts navigator |
| Wylie |
208b1 ནི།། མཆོད་པ་ལེགས་པར་སྦྱར་བས་ནི།། འགྲོ་བ་ནད་ལས་ཐར་བར་འགྱུར།། དེ་ནས་ཡང་དག་བཤད་བྱ་བ།། རྡོ་རྗེ་བློ་ཡི་ཆོ་ག་སྟེ།། ཉི་མ་འདི་ནི་རྩེ་མོ་ལ།། འཇམ་དཔལ་དབྱངས་ཀྱི་སྤྱན་སྔ་རུ།། གཙང་མ་ཡི་ནི
208b2 ཆུ་རྣམས་ལ།། ས་བོན་ལེགས་པར་བསྔགས་པ་སྟེ།། རྡོ་རྗེའི་ཆུ་ནི་འཐུང་བར་བྱ།། རྡོ་རྗེ་ཉུང་དཀར་བློ་ཡི་མཆོག། རྡོ་རྗེ་བློ་གྲོས་འཕེལ་བར་འགྱུར།། ཡང་ནི་མཁས་པས་འབད་པ་ནི།། བུད་མེད་གང་དག་བུ་མེད
208b3 པ།། ཆུ་ནི་ས་བོན་ཚང་བ་དང་།། རྟག་ཏུ་མཁས་པས་བླུད་པར་བྱ།། མོ་གཤམ་དང་ནི་འདྲ་བ་ཡང་།། རིགས་རྒྱུད་འཕེལ་བར་ཡང་དག་འགྱུར།། མཁས་པས་ཆུ་དང་ཚེར་མ་ལ།། སྔགས་ནི་མ་ལུས་མ་ཡིན་ཏེ།། སྒྲ
208b4 ཚིལ་གྱིས་ནི་བསྒྲུབ་བྱ་ལ།། ས་བོན་མིག་ཏུ་གནས་པ་ལ།། ཚེར་མ་དཀར་པོས་མིག་གཏུབས་ནས།། མ་རུ་རྩེ་ཡི་སྤྱན་སྔ་རུ།། མཁས་པས་ནན་ཏན་བྱས་ནས་ནི།། ཆོམ་རྐུན་ཐམས་ཅད་ལྡེངས་པར་འགྱུར།། གཤིན
208b5 རྗེའི་རྒྱལ་གྱིས་ཡི་དྭགས་བསྐྲད།། རྡོ་རྗེ་ཐོད་དབྱུག་སྦྱོར་བས་སུ།། ཧཱུཾ་མཛད་ཀྱི་ནི་ཕྱག་འཚལ་གྱིས།། ས་བོན་བཅས་པར་འགྱུར་བ་ལ།། ལྷ་དང་ལྷ་མིན་བསྡིགས་པར་བྱེད།། རྡོ་རྗེ་སྒྲོལ་བའི་སྤྱན་སྔར་ནི།། འཇིག
208b6 རྟེན་དབང་དུ་བྱ་བ་བརྩམ།། ས་བོན་བཅས་པ་མཁས་པས་འགྲུབ།། རྡོ་རྗེ་ལྷ་མོ་སྐུལ་བྱེད་མས།། ཡི་དྭགས་དབབ་པར་བྱ་བ་ཡི།། ས་བོན་ཆོ་ག་རུང་དུ་འབབ།། འཕགས་པ་ནོར་གྱི་རྒྱུད་འཕེལ་གྱིས།། མཛད་པ་ལ
iiif viewer powered by OpenSeadragon
