| e-texts navigator |
| Wylie |
203b1 ཀར་རྒྱལ་པོ་བླུག་པར་བྱ།། རབ་འབར་གྲུ་གསུམ་དཀྱིལ་གནས་པ།། མཁས་པས་ནན་ཏན་བྱ་བ་ཡིན།། ཇི་ལྟར་ཏིང་འཛིན་དཔའ་བ་དང་།། སྔགས་ཀྱི་ཆོ་ག་མཁས་པ་ཡིས།། འདོད་ལྷའི་ང་རྒྱལ་བརྟན་པར
203b2 བྱ།། བྱང་ཆུབ་སེམས་རྣམས་དབབ་པར་འགྱུར།། དངོས་གྲུབ་ཆེན་པོ་ཐོགས་མེད་ཡིན།། བཅུ་གཉིས་བརྟག་པ་ངེས་པར་འགྲུབ།། བཅུ་གསུམ་བརྟག་པ་འདིར་བཤད་བྱ།། དཀྱིལ་འཁོར་ཆེན་པོའི་སྦྱོར་བ
203b3 དང་།། ཆུང་ངུ་ལྷ་ཡི་སྦྱོར་བ་རྣམས།། རྡོ་རྗེ་ཕུར་པ་ལ་སོགས་པ།། ངེས་པར་འགྲུབ་པ་འདོད་པ་ཡིན།། རྒྱ་མདུད་སྣོད་དུ་གནས་པའམ།། ཡང་ན་གསང་བའི་ཆོ་ག་དང་།། གདགས་པའི་གནས་རྣམས་ཤེས་པ
203b4 ཡིས།། བྱེ་བ་དྲུག་འབུམ་བརྗོད་ན་འགྲུབ།། དེ་ཡི་ཏིང་འཛིན་མཁས་པས་བརྟག། ཡང་ན་མཁས་པས་དྲང་བའི་དོན།། ཨཱ་ལི་དང་ནི་ཀཱ་ལི་ཡི།། དབུས་མཉམ་པ་ཡི་གནས་སུ་བཞག། ཨཱཾ་ཨ་ཨཱ། ཨི་ཨཱི། ཨུ་ཨཱུ། རྀ་རཱཾ།།
203b5 ལྀ་ལཱྀ། ཨེ་ཨཻ། ཨོ་ཨོ། ཨཾ་ཨཱ། ཀ་ཁ་ག་གྷ་ང། ཙ་ཚ་ཛ་ཛྷ་ཉ། ཊ་ཥ་ཌ་ཌྷ་ཎ། ཏ་ཐ་ད་དྷ་ན། པ་ཕ་བ་བྷ་མ། ཡ་ར་ལ་ཝ་ཤ་ཥ་ས་ཧ་ཀྵ། རང་སྔགས་སྐྱེས་བུའི་ཏིང་འཛིན་དང་།། བྱེ་བ་དྲུག་འབུམ་རྣམ་པར
203b6 བརྗོད།། མཁས་པས་བརྟག་དོན་བཅུ་བཞི་པའོ།། དེ་ནས་གཞན་ཡང་བཤད་བྱ་སྟེ།། སངས་རྒྱས་ལྔ་རྣམས་སྐྱེས་པའི་རྒྱུ།། ས་བོན་ཀུན་གྱི་དང་པོ་སྟེ།། མཁས་པས་འབད་པར་བྱ་བ་ཡིན།། འདིས་ནི་བརྟག་པ་བཅོ
iiif viewer powered by OpenSeadragon
