| e-texts navigator |
| Wylie |
202b1 དྲུག་འབུམ་མོ།། རང་ཉིད་འདོད་ལྷའི་ང་རྒྱལ་གྱིས།། པད་མའི་སྣོད་དུ་བསྒྲུབ་པར་བྱ།། འདིས་ནི་དངོས་པོ་ཀུན་འགྲུབ་ན།། རྒྱལ་པོའི་སྦྱོར་བས་ཅི་ཞིག་སྨོས།། ཐམས་ཅད་འགྲུབ་པར་འགྱུར་བས་ན།། བཞི་པ་ཡིས
202b2 ནི་མངོན་དུ་བསྟན།། དེ་ནས་བརྟག་པ་ལྔ་བཤད་དེ།། མཁས་པས་པད་མའི་དྲི་ཆུ་ལས།། བྱེ་བ་དྲུག་འབུམ་བརྗོད་པར་ཤེས།། འདོད་ལྷའི་ང་རྒྱལ་རྫོགས་པར་བྱ།། ཆོ་ག་གཞན་རྣམས་ཚང་བར་རོ།། དེ་ནས་དཔའ
202b3 བོས་རྣམ་བརྟག་པ།། མངོན་དུ་ཇི་ལྟར་གྲགས་པ་སྟེ།། མཁས་པས་ཐོད་པ་ས་ལ་སྦ།། རང་ཉིད་འདོད་ལྷའི་ང་རྒྱལ་ཏེ།། བྱེ་བ་དྲུག་འབུམ་ལ་སོགས་བརྗོད།། འབྲས་བུ་རྫོགས་པའི་དུས་དག་ཏུ།། གུ་གུལ་ལ་སོགས
202b4 ཆོ་ག་བརྩམ།། འདི་ནི་མཁས་པའི་བརྟག་པ་དྲུག། དེ་ནས་ཡང་དག་བཤད་བྱ་བ།། དཔའ་བོས་དངོས་གྲུབ་ཐོབ་པའི་ཕྱིར།། ག་འུ་སྲུབ་མེད་ཆུ་ཐུབ་པར།། རྒྱ་མཚོའི་ནང་ངམ་འབབ་ཆུའི་ངོགས།། རྡོ་རྗེའི་ཟག་པ
202b5 བཏགས་ནས་ཀྱང་།། དེ་བཞིན་བྱེ་བ་དྲུག་འབུམ་བརྗོད།། འདི་དག་བརྟག་པ་བདུན་པར་བཤད།། དེ་ནས་ཡང་དག་བཤད་བྱ་བ།། མཁས་པས་མེ་ཡི་ནང་དུ་ནི།། ཧ་ཅང་ཚིག་པ་མ་ཡིན་པ།། དུར་ཁྲོད་ཚེར་མའི་ཤིང
202b6 གིས་སྲེག། འདོད་ལྷའི་ཏིང་འཛིན་རབ་བརྟན་པས།། བྱེ་བ་དྲུག་འབུམ་བརྗོད་པ་ཡིན།། དེས་ནི་ཇི་ལྟར་ཚ་བའི་མེ།། རླུང་གིས་བསླངས་པ་ཇི་བཞིན་དུ།། འདི་ནི་རིམ་པ་བརྒྱད་པར་བཤད།། དེ་ནས་དཔའ་བོས་རྣམ
iiif viewer powered by OpenSeadragon
