| e-texts navigator |
| Wylie |
201a1 དུས།། འཇུག་དང་འབྱུང་བའི་དུས་ཉིད་དོ།། གསེར་གྱི་མདོག་གིས་གསོ་བར་བྱ།། རྣལ་འབྱོར་ཆོ་ག་མཁས་པ་ཡིས།། རིན་པོ་ཆེ་ལ་བརྟག་པར་བྱས།། རིན་པོ་ཆེའི་ཉུང་དཀར་རྒྱལ་པོ་བརྟག་པའི་དམ
201a2 ཚིག་ཅེས་བྱ་བའི་ཏིང་ངེ་འཛིན་ཏོ།། དེ་ནས་བཅོམ་ལྡན་འདས་པདྨ་ཆེན་པོའི་ཉུང་དཀར་གྱི་རྒྱལ་པོ་བརྟག་པ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས། པདྨ་ཆེན་པོའི་ཉུང་དཀར་བརྟག་པ་འདི་གསུངས
201a3 སོ།། པདྨའི་རྒྱལ་པོ་མཉེས་པའི་ཕྱིར།། འབད་དེ་པད་པའི་ཉུང་དཀར་བསྒོམ།། རབས་ཆད་མཚན་མ་ངན་པ་ཡི།། ཡང་ན་པད་མའི་རིགས་ཉིད་ལ།། མཁས་པས་པདྨ་འདབ་བརྒྱད་བྲི།། པདྨའི་ཕྱོགས་ནས་པདྨའི
201a4 ས།། ཅི་རིགས་གཞག་པའི་སྟེང་དུ་གཞག། སྟེང་ནས་དེ་བཞིན་རང་གི་ཡང་།། དང་པོ་པདྨའི་དྲི་ཆུ་ཤིས།། གཉིས་པ་ཐབས་ཀྱི་དྲི་ཆུ་དང་།། གལ་ཏེ་བླངས་པས་ལས་རྣམས་འགྲུབ།། དུས་ནི་རྣམ་གཉིས་དུས་ཀྱི
201a5 མཆོག། སྔགས་དང་ཕྱག་རྒྱ་སྔོན་དེ་བཞིན།། མཁས་པས་འབད་དེ་བརྟག་པར་བྱ།། པདྨོའི་ལས་རྣམས་འགྲུབ་པར་འགྱུར།། པདྨ་ཆེན་པོའི་ཉུང་དཀར་གྱི་རྒྱལ་པོ་བརྟག་པ་ཞེས་བྱ་བའི་ཏིང་ངེ་འཛིན་ཏོ།། དེ་ནས
201a6 བཅོམ་ལྡན་འདས་རྡོ་རྗེ་ལས་ཀྱི་ཉུང་དཀར་གྱི་རྒྱལ་པོ་འབྱུང་བ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས། རྡོ་རྗེ་ལས་ཀྱི་ཉུང་དཀར་རྒྱལ་པོ་འདི་གསུངས་སོ།། ཉུང་དཀར་ལས་ཀྱི་རྒྱལ་པོ་རྣམས།། དཔའ
iiif viewer powered by OpenSeadragon
