| e-texts navigator |
| Wylie |
200a1 གཏོར་མ་དང་།། བསྒྲུབ་དང་བྱིན་བརླབ་དབབ་པར་བྱ།། ཇི་ལྟར་འབྲས་བུ་སྨིན་པའི་ཚེ།། ཆོ་ག་མཁས་པས་འབྲས་བུ་བླང་།། དགོན་པའི་སའམ་ཕུག་དག་ཏུ།། རྡོ་རྗེའི་ཏིང་འཛིན་རྣམ་པར
200a2 བརྟག། མཁས་པས་ནན་ཏན་བྱ་བ་ཡིན།། དེ་ལས་དེ་ལྟར་ཡང་བསྐྱེད་པ།། རྡོ་རྗེ་འཛིན་པ་ཉིད་ཀྱི་དངོས།། གཞན་དུ་རྣམ་པར་སྤྱད་པར་བྱ།། སྦྱོར་བ་གཅིག་གི་དངོས་པོས་ཀྱང་།། མཐའ་དང་མཉམ་པ་ནམ་མཁའ
200a3 ལྟར།། ཐོགས་པ་མེད་པའི་ལས་རྣམས་འགྲུབ།། གཟུགས་དང་ཁ་དོག་སྤྱི་དང་མཐུན།། བཅུད་དང་གཟི་བརྗིད་གྲངས་དང་ཚད།། དངོས་པོ་གཞན་ལས་སྤགས་པས་ན།། གྲངས་ཀྱི་དངོས་པོ་ཇི་བཞིན་དུ།། གཟུགས
200a4 ལ་སོགས་པ་དུ་མ་འཕེལ།། ཐ་མལ་པ་ཡི་མངོན་སུམ་མོ།། དང་པོའི་ས་བོན་གང་ཡིན་དེ།། རྡོ་རྗེ་རིགས་ཀྱི་དངོས་པོར་བརྟག། གྲངས་དང་ཚད་ཀྱང་དེ་བཞིན་དུ།། ཕྲིན་ལས་ལ་སོགས་མཁས་པས་བརྟག། རྡོ་རྗེ་ཉུང
200a5 དཀར་རྒྱལ་པོ་བརྟག་པའི་དམ་ཚིག་ཅེས་བྱ་བའི་ཏིང་ངེ་འཛིན་ཏོ།། དེ་ནས་བཅོམ་ལྡན་འདས་འཁོར་ལོའི་ཉུང་དཀར་རྒྱལ་པོ་འབྱུང་བ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས། འཁོར་ལོའི་ཉུག་དཀར
200a6 རྒྱལ་པོ་འདི་གསུངས་སོ།། དུམ་བུ་བརྒྱད་པའི་ཐོད་པ་ནི།། དཔའ་བོས་དེ་བཞིན་བླང་བར་བྱ།། སྨུག་ནག་དབུ་མའི་ས་ལ་ནི།། སངས་རྒྱས་བཙུན་མོ་བསྟན་པར་བྱ།། འཁོར་ལོ་སེར་པོ་རྩིབས་བརྒྱད་ནི།། སྔོན་གྱི
iiif viewer powered by OpenSeadragon
