| e-texts navigator |
| Wylie |
19b1 མངོན་པར་ཡི་རང་བ་དང་དགའ་བ་སྐྱེས་ཏེ། རིན་པོ་ཆེ་སྣ་ལྔ་ལ་སོགས་པ་མི་ཏོག་སིལ་མས་མཆོད་དེ། མགྲིན་གཅིག་དབྱངས་གཅིག་གིས། ལན་བརྒྱ་སྟོང་དུ་མར་བསྐོར་བ་དང་། ལྷ་རྣམས་ཀྱིས་ཕྱག་བཙལ་ནས།
19b2 ཀྱེ་ཀྱེ་སངས་རྒྱས་བཅོམ་ལྡན་འདས།། སངས་རྒྱས་ཐུགས་རྗེ་རིན་པོ་ཆེ།། སེམས་ཅན་རྣམས་ལ་ཐུགས་བརྩེའི་ཕྱིར།། རྟོག་པ་དང་པོ་འདི་བཀའ་སྩལ།། ཐུགས་རྗེ་ཡི་ནི་རྒྱུན་ཆེན་པོ།། བཀའ་སྩལ་གསུང་སྟོན་ཐུགས
19b3 རྗེ་ཆེ།། བདག་ཅག་རྣམས་ཀྱི་བཅང་བར་བྱ།། འགྲོ་བ་རྣམས་ལ་ཕན་གདགས་བགྱི།། སྐྱེ་བོ་རྣམས་ལ་དབང་བསྐུར་བགྱི།། གྲོང་དང་གྲོང་ཁྱེར་གྲོང་རྡལ་ལ།། ཉིན་རེ་བཞིན་དུ་བསྐོར་བར་བགྱི།། ཞེས་གསོལ་བས།།
19b4 བཅོམ་ལྡན་འདས་འཁོར་རྣམས་ལ་ཡང་དག་པར་གཟིགས་ནས། ཅི་ཡང་མི་གསུང་བར་དེ་བཞིན་ཉིད་དུ་མནལ་ལོ།། མི་སྣང་བར་གྱུར་ཏོ།། དེ་ནས་འཁོར་རྣམས་ཀྱང་ཉིད་ལ་ཉིད་གཟིགས་ནས། མི་སྣང་བར་གྱུར
19b5 ཏོ།། དེ་བཞིན་གཤེགས་པ་ཐམས་ཅད་ཀྱི་སྐུ་དང་གསུང་དང་ཐུགས་ཡེ་ཤེས་ཐམས་ཅད་འདུས་པ། སངས་རྒྱས་མདུད་པའི་རྒྱུད་ལས། འཆང་བ་དང་ཡོངས་སུ་གཏད་པའི་ལེའུ་སྟེ་བཅོ་ལྔ་པའོ།། །། བརྟག་པ
19b6 དང་པོ་ཡོངས་སུ་རྫོགས་སོ།། རྒྱ་གར་གྱི་མཁན་པོ་ཛྙཱ་ན་གརྦྷ་དང་། བོད་ཀྱི་དགེ་སློང་བཻ་རོ་ཙ་ནས་བསྒྱུར་ཅིང་གཏན་ལ་ཕབ་པའོ།། །། @#།། རྒྱ་གར་སྐད་དུ། ཀྲོ་དྷ་ཧཱུཾ་ཀཱ་ར་ཏན་ཏྲ་རཱ་ཛ་ཏནྟྲ། བོད་སྐད་དུ། རྒྱུད
iiif viewer powered by OpenSeadragon
