| e-texts navigator |
| Wylie |
199b1 འདས་རྡོ་རྗེའི་འོད་ཟེར་གྱིས་ཐོགས་པ་མེད་པར་གཅོད་པ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས། རྡོ་རྗེ་ཉུང་དཀར་ཀྱི་རྒྱལ་པོ་འབྱུང་བ་ཞེས་བྱ་བའི་རྣམ་པར་བརྟག་པ་འདི་ཉིད་ཀྱི་སྐུ་དང་གསུང
199b2 དང་ཐུགས་རྡོ་རྗེ་རྣམས་ལས་ཕྱུང་ངོ་།། གང་དག་མཁས་པས་བརྟག་པ་ནི།། དེ་ནི་རྣལ་འབྱོར་ཅན་གྱི་སྟེ།། མཁས་པས་འབད་པར་བྱ་བ་ནི།། ཉུང་དཀར་རྒྱལ་པོ་བསྐྱེད་པར་བྱ།། རང་གི་འདོད་ལྷ་མཉེས་པར
199b3 བྱེད།། བསྒྲུབ་བྱ་འཆི་བར་གྱུར་པ་དང་།། དེ་ཡི་ལྷ་ནི་སྐྲག་པར་བྱེད།། རིགས་ནི་རྣམ་པ་དྲུག་ཏུ་སྟེ།། མཁས་པས་རྡོ་རྗེའི་རང་བཞིན་ནོ།། ཐོད་པ་རྡོ་རྗེའི་རིགས་ཅན་ལ།། བུག་པ་ཅི་ཡང་མཛེས་པ་ལ།། མྱུ་གུའི་སྒོ
199b4 ནས་རྡོ་རྗེ་ཡིས།། མྱུར་དུ་ཕུག་པའི་དབྱིབས་སུའོ།། རྡོ་རྗེ་ཕུར་པའི་གསང་སྔགས་དང་།། རྡོ་རྗེ་སྡེར་མོའི་རང་བཞིན་གྱིས།། ཕྱི་ནང་དུག་དང་ཁྲག་གིས་བྲིས།། བར་དུ་འབར་བའི་རྡོ་རྗེ་ཡང་།། མཐིང་ག་མཛེས་པའི
199b5 རྩེ་ལྔ་དགོད།། རྡོ་རྗེ་ཕུར་པའི་སྟེང་དུ་ཡང་།། དུར་ཁྲོད་རས་སམ་ཤིང་ལེབ་བམ།། གཡམ་པ་དག་ལ་གནས་པ་ཡི།། རྡོ་རྗེའི་ཕྱག་རྒྱ་ཚང་བ་རུ།། བྲིས་ཏེ་ས་ཡི་གཏིང་དུའོ།། དེ་སྟེང་མཁས་པས་ས་མཚོན་ནི།། ཤར་གྱི
199b6 ཕྱོགས་ནས་མཐིང་ག་བླང་།། རྡོ་རྗེའི་རིགས་ཀྱི་བུ་མོས་ནི།། དྲི་ཆུས་ཡང་དག་བྲི་བ་ཡིན།། དེ་སྟེང་ཐོད་པ་དབུས་གནས་པའི།། རྡོ་རྗེ་ཅན་གྱི་དབུས་སུ་ཡིན།། རྣལ་འབྱོར་རྡོ་རྗེ་ཅན་ལ་བལྟ།། བར་ཆོད་བསྲུང་དང
iiif viewer powered by OpenSeadragon
