| e-texts navigator |
| Wylie |
199a1 ཆེན་སྡེར་མོ་ཕྱག་འཚལ་ལོ།། དེ་ནས་ཡང་པདྨའི་རིག་འཛིན་གྱིས་འདི་སྐད་ཅེས་བསྟོད་པ། ཆགས་མེད་པད་མས་ཆགས་པ་གཅོད།། ཆགས་པ་མངོན་དུ་སྙེམས་པར་མཛད།། འདོད་ཆགས་པདྨའི་སྡེར
199a2 མོ་སྟེ།། འབར་བའི་གསུང་ལ་ཕྱག་འཚལ་ལོ།། དེ་ནས་ཡང་རྡོ་རྗེ་ལས་ཀྱི་ཏིང་ངེ་འཛིན་གྱིས་འདི་སྐད་ཅེས་བསྟོད་པ། རྡོ་རྗེ་ལས་རབ་ལས་ཀྱི་མཆོག། ལས་ཀྱི་དྲ་བས་ཡོངས་སུ་གཅོད།། རྡོ་རྗེ་ལས་ཀྱི་སྡེར་མོ
199a3 ཡིས།། མངོན་དུ་གསོད་ལ་ཕྱག་འཚལ་ལོ།། དེ་ནས་བསྐུལ་བའི་ཏིང་ངེ་འཛིན་གྱིས་འདི་སྐད་ཅེས་གསོལ་ཏོ།། ཐོགས་མེད་ལས་ཀྱི་སྡེར་མོ་ཡང་།། འབྱུང་པོའི་ཞེ་སྡང་བཟུང་ནས་སོད།། འཇིགས་བྱེད་འཁོར་ལོའི
199a4 སྡེར་མོ་ཡིས།། འབྱུང་པོའི་གཏི་མུག་ཟུང་ལ་སོད།། མཐུ་མཆོག་རིན་ཆེན་སྡེར་མོ་ཡིས།། འབྱུང་པོའི་ང་རྒྱལ་ཟུང་ལ་སོད།། ཆགས་པ་མེད་པའི་སྡེར་མོ་ཡིས།། འབྱུང་པོའི་འདོད་ཆགས་ཟུང་ལ་སོད།། རྡོ་རྗེའི་ལས
199a5 མཆོག་སྡེར་མོ་ཡིས།། འབྱུང་པོའི་ཕྲག་དོག་ཟུང་ལ་སོད།། ཐོགས་པ་མེད་པར་འཕྲོ་ཞིང་འདུ།། ཐོག་མ་ཐ་མ་བར་དུ་ཡང་།། ཡུལ་ནི་གཟུང་བྱ་མི་གཏོར་བའི།། གཏན་དུ་ཤི་བར་མཛད་པ་ཡིས།། འབར་བའི་སྡེར
199a6 མོ་ཞེས་གྲགས་ཡིན། འཕགས་པ་དེ་བཞིན་གཤེགས་པ་ཐམས་ཅད་ཀྱི་ཡེ་ཤེས་ཀྱི་རྩེ་མོ་ཞེས་བྱ་བའི་རྒྱུད་ཀྱི་རྒྱལ་པོ་ཆེན་པོ་ལས། སྡེར་མོ་འབྱུང་བ་ཞེས་བྱ་བའི་ལེའུ་སྟེ་བཅུ་དགུ་པའོ།། །། དེ་ནས་བཅོམ་ལྡན
iiif viewer powered by OpenSeadragon
