| e-texts navigator |
| Wylie |
195b1 པས་བསྟན་པ་ཉམས་པར་བགྱིད་པ་དང་། འགྲོ་བ་ཀུན་ཏུ་འཁྱམས་པར་བགྱིད་པའི་མི་དགེ་བའི་གཉེན་པོ་རྣམས། མྱུར་དུ་གསད་པའི་ལས་ཁོ་ན་ལགས་པས། དེ་བཞིན་གཤེགས་པས་གསང་སྔགས་ཀྱི་མཐུ་ཆེན་པོ
195b2 བཤད་དུ་གསོལ་ཞེས་བརྗོད་ནས། ལན་བརྒྱ་ཕྲག་སྟོང་དུ། བཅོམ་ལྡན་འདས་ལ་བསྐོར་ནས་རང་གི་སྟན་ལ་འཁོད་པར་གྱུར་ཏོ།། དེ་ནས་བཅོམ་ལྡན་འདས་དེ་བཞིན་གཤེགས་པ་ཐམས་ཅད་ཀྱི་སྐུ་དང་གསུང
195b3 དང་ཐུགས་ཀྱི་བདག་པོ། དཔལ་འཇིགས་བྱེད་ཀྱི་དབང་ཕྱུག་ཆེན་པོས་འདི་སྐད་ཅེས་གསུངས་སོ།། གསང་བའི་བདག་པོ་འདི་ལྟ་སྟེ། སེམས་ཅན་རྣམས་ནི་ཐབས་མཁས་པ་དང་འཚམས་པས་འདུལ་བ་ཡིན་ན།།
195b4 འདིར་སྔགས་ཀྱི་མཐུ་ཆེན་པོས་ཀུན་ཏུ་འཁྲུགས་ན། འདི་ནི་བྱང་ཆུབ་སེམས་དཔའ་ལས་དང་པོ་པ་རྣམས་དང་། རིག་འཛིན་གཞོན་ནུ་དག་ཀྱང་ཀུན་ཏུ་སྡང་བ་སོགས་པ་འབྱུང་བས། ད་རུང་ནི་སྔགས་ཀྱི་མཐུ་ཆེན
195b5 པོས་གསོད་པར་མི་བྱ་ཡིས་ཅུང་ཞིག་སྡོད་ཅིག་ཅེས་གསུངས་སོ།། དེ་ནས་ཡང་ལག་ན་རྡོ་རྗེ་ཐོགས་པ་མེད་པས། བཅོམ་ལྡན་འདས་ལ་འདི་སྐད་ཅེས་གསོལ་ཏོ།། ཀྱེ་བཅོམ་ལྡན་འདས་འདི་ནི་སྔོན་གྱི་སངས་རྒྱས
195b6 ཀྱིས་ཀྱང་ཡོངས་སུ་མ་བཤད། མ་འོངས་པ་ན་དེ་བཞིན་གཤེགས་པ་རྣམས་ཀྱིས་གསུང་བར་མི་འགྱུར་བ་ལགས་སོ།། དེ་ཅིའི་སླད་དུ་ཞེ་ན། སེམས་ཅན་ཉོན་མོངས་པ་འཕེལ་བའི་སླད་དུ་སྟེ། གང་ན་གདུལ་བྱ།
iiif viewer powered by OpenSeadragon
