| e-texts navigator |
| Wylie |
195a1 དགོས།། གང་ལ་ཐེ་ཚོམ་མེད་པའི་བློ།། རྒྱལ་པོ་རང་ལ་སྨོད་པ་བཞིན།། ཐམས་ཅད་འགྲུབ་པར་བྱས་པ་ཡིན།། འདི་ནི་སྒྲུབ་པ་ཐམས་ཅད་ཀྱི།། མཁས་པས་མིག་དང་སྙིང་དུ་བཤད།། འཕགས་པ་དེ
195a2 བཞིན་གཤེགས་པ་ཐམས་ཅད་ཀྱི་ཡེ་ཤེས་ཀྱི་རྩེ་མོ་ཞེས་བྱ་བའི་རྒྱུད་ཀྱི་རྒྱལ་པོ་ཆེན་པོ་ལས། ཕྱོགས་བཅུ་ཁྲོ་བོ་ལས་ཀྱི་འཁོར་ལོ་རྣམ་པར་བརྟག་པ་ཞེས་བྱ་བའི་ལེའུ་སྟེ་བཅོ་བརྒྱད་པའོ།། །། དེ་ནས་དེའི་ཚེ
195a3 དེའི་དུས་ན། འཁོར་དེའི་ནང་ན་བཅོམ་ལྡན་འདས་ཀྱིས་མཐུ་སྟོབས་ཀྱི་བདག་ཉིད་དུ་བྱིན་གྱིས་བརླབས་པའི། དཔལ་ཕྱག་ན་རྡོ་རྗེ་ཐོགས་པ་མེད་པ་ཞེས་བྱ་བ་འཁོར་དེའི་ནང་ནས་ལངས་ཏེ། རང་གི་འཁོར་དུ་མ་སྡེ
195a4 དང་བཅས་པས། བཅོམ་ལྡན་འདས་ལ་ལན་དུ་མར་གཡས་ཕྱོགས་ནས་བསྐོར་ཏེ་མཆོད་པའི་ཚོགས་ཀྱིས་ཡང་དག་པར་མཆོད་ནས། འདི་སྐད་ཅེས་གསོལ་ཏོ།། ཀྱེ་བཅོམ་ལྡན་འདས་འདི་ལྟར་ང་རྒྱལ་མཆིས་པའི
195a5 རང་གི་མཐུས་སྙེམས་པས་སངས་རྒྱས་ཀྱི་མཛད་པ་དང་། རྣམ་པར་ཐར་པ་ལ་ཡོངས་སུ་གནོད་ཅིང་། སྐུ་དུ་མ་ལ་ཡང་གཙེ་བས་ལོག་པར་འདའ་བའི་ས་བོན་འཕེལ་བར་བགྱིས་པ་དང་། འགའ་ནི་སངས་རྒྱས་ཀྱི
195a6 བསྟན་པ་ལ་གནས་བཞིན་དུ་ཡང་ཡིད་མི་ཆེས་པས་ཀུན་ཏུ་འཁྲུགས་ནས། སློབ་དཔོན་ལ་སྨོད་པ་དག་བགྱིད་པ་རྣམས་དང་། འདི་ལྟར་གནོད་པ་བགྱི་བའི་སྤོབས་པ་མཆོག་པའི་བདུད་དང་། མུ་སྟེགས་ལ་སོགས
iiif viewer powered by OpenSeadragon
