| e-texts navigator |
| Wylie |
194b1 བསྟབས།། སེམས་ནི་མཁས་པས་རྫོགས་པ་ཡི།། བྱང་ཆུབ་སེམས་སུ་བསྡུ་བར་བྱ།། གཟུགས་བརྙན་རྟེན་དུ་སྦྱོར་བ་ནི།། དུམ་བུ་དང་ནི་ཚལ་པ་དང་།། ཇི་བཞིན་པ་ཡི་གཟུགས་རྣམས་ནི།། རྩ་དང་ཤིང་ལ་གནས་པ
194b2 དང་།། བོང་བ་སྔོ་བས་གོས་པའམ།། གང་དག་བསྲེག་པར་འོས་པ་ཡི།། ཤིང་ལེབ་ལ་སོགས་བྲིས་པའི་གཟུགས།། མཁས་པས་འབད་སྟེ་བསྲེག་པར་བྱ།། ཟུར་གསུམ་ཐབས་ཀྱི་གྲཝ་གསུམ་དུ།། རྡོ་རྗེ་མདའ་གཞུ་ལྡན
194b3 བྱས་ཏེ།། འབར་བའི་ཁྲོ་བོས་བརྒྱན་པར་བསམ།། ཕུར་པ་ལ་ནི་དྲག་པོས་དཀྲིས།། ཚེར་མའི་ཤིང་ལ་མེ་སྦར་ཏེ།། འབར་བ་འཁོར་བཅས་སྤྱན་དྲངས་ནས།། ཚ་བའི་མར་དང་ལན་ཚྭ་དང་།། སྐྱེ་ཚེ་དུག་དང་ཁྲག་སྣ
194b4 དང་།། ལྕགས་ཕྱེ་ལྡོང་རོས་དམ་རྫས་དང་།། སོལ་ཕྱེས་བགོས་པའི་དམ་རྫས་རྣམས།། གསང་སྔགས་བཟླས་པར་རབ་འབད་སྟེ།། གང་གི་གཟུགས་མིང་རུས་བསྲེག་ན།། མྱུར་དུ་ལས་རྣམས་འགྲུབ་པར་འགྱུར།། དེ
194b5 ནས་མཁས་པས་འབད་པ་ཡང་།། བསྲེགས་པའི་ཐལ་བ་ལ་སོགས་པ།། ཐམས་ཅད་གནན་པར་བྱ་བ་ནི།། ལས་རྣམས་མ་གྲུབ་པར་དུ་བཞག། ལས་རྣམས་གྲུབ་པའི་མོད་ལ་ནི།། མྱུར་དུ་ཞི་བའི་ལས་ལ
194b6 འབད།། འདི་ནི་ལས་རྣམས་ཐམས་ཅད་ཀྱི།། འཁོར་ལོས་སྒྱུར་བའི་རྒྱལ་པོའོ།། གང་དག་ཐེ་ཚོམ་དམིགས་པ་ནི།། ཇི་ལྟར་རི་བོང་རྭ་བཞིན་དུ།། འདི་ཡི་འབྲས་བུ་དེ་བཞིན་ཏེ།། འདི་ལ་རྣམ་པར་དཔྱད་མི
iiif viewer powered by OpenSeadragon
