| e-texts navigator |
| Wylie |
192b1 ལས་ལ་རྣམ་པར་འགྲུབ།། བདག་མེད་པ་ཡི་དུ་མ་སྤངས།། དུ་མ་མོ་གཤམ་བུ་བཞིན་བརྟག། དུ་མས་གདུལ་ཕྱིར་བསམ་མི་ཁྱབ།། ཐ་དད་ལས་རྣམས་རིགས་ཡིན་ཏེ།། རྣམ་པ་ལྔ་རུ་མཁས་པས་བཤད།། སྒྲོ་དང
192b2 བསྡུ་བའི་སྦྱོར་བ་ཡིས།། མཁས་པས་ལས་རྣམས་ཤེས་པར་བྱ།། རྡོ་རྗེ་དང་ནི་འཁོར་ལོ་དང་།། རིན་ཆེན་པདྨ་རྒྱ་གྲམ་བརྟག། འབར་བ་དབུ་གསུམ་ཕྱག་དྲུག་གམ།། དབུ་དགུ་བཅོ་བརྒྱད་ཡང་ན་གཅིག། མཁས
192b3 པས་སེམས་དང་རིགས་སུ་བརྟག། གང་ལ་མོས་པའི་ལས་རྣམས་ཀྱིས།། ལས་རྣམས་ཐོགས་པ་མེད་པར་འགྱུར།། འཕགས་པ་དེ་བཞིན་གཤེགས་པ་ཐམས་ཅད་ཀྱི་ཡེ་ཤེས་ཀྱི་རྩེ་མོ་ཞེས་བྱ་བའི་རྒྱུད་ཀྱི་རྒྱལ་པོ་ཆེན
192b4 པོ་ལས། རིགས་ལྔའི་ཐར་པ་ཡོངས་སུ་བཤད་པའི་ལེའུ་སྟེ་བཅུ་བདུན་པའོ།། །། དེ་ནས་བཅོམ་ལྡན་འདས་དེ་བཞིན་གཤེགས་པ་ཐམས་ཅད་ཀྱི་སྒྲ་དང་གསུང་དང་ཐུགས་ཀྱི་བདག་པོ། དཔལ་འཇིགས་བྱེད་ཀྱི
192b5 དབང་དྲུག་ཆེན་པོ། རྡོ་རྗེ་ཟླ་བའི་ཚོགས་ཐོགས་པ་མེད་པར་ལས་ཀྱི་འཁོར་ལོ་འབྱུང་བ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས། ཁྲོ་བ་ཆེན་པོ་རྣམས་ཀྱི་རིག་པ་དང་ཏིང་ངེ་འཛིན་འབྱུང་བ་འདི་ཉིད་ཀྱི
192b6 སྒྲ་དང་གསུང་དང་ཐུགས་རྡོ་རྗེ་རྣམས་ལས་ཕྱུང་ངོ་།། ཨོཾ་བཛྲ་ཀྲོ་དྷ་བི་ཛ་ཡ་ཧཱུཾ།། ཨོཾ་བཛྲ་ཀྲོ་དྷ་ནི་ལ་དཎྜ་ཧཱུཾ། ཨོཾ་བཛྲ་ཀྲོ་དྷ་ཡ་མཱན་ཏ་ཀ་ཧཱུཾ། ཨོཾ་བཛྲ་ཀྲོ་དྷ་ཨཱརྱ་ཨ་ཙ་ལ་ཧཱུཾ། ཨོཾ་བཛྲ་ཀྲོ་དྷ་ཧ་ཡ་གྲཱི་བ་ཧཱུཾ། ཨོཾ་བཛྲ་ཨ་པ་རཱ
iiif viewer powered by OpenSeadragon
