| e-texts navigator |
| Wylie |
185a1 རྗེའི་མཆོད་པ་ཆེན་པོ་འབར་བར་བྱས་ཏེ། ཚིགས་སུ་བཅད་པའི་དབྱངས་ཀྱིས་དེ་བཞིན་གཤེགས་པ་ལ་གསོལ་བ་བཏབ་བོ།། ཐེག་པའི་ཐེག་མཆོག་གསང་བ་བླ་མེད་ཆེ།། འབྲས་བུ་ཀུན་བཟང་རྡོ་རྗེའི
185a2 སྟོབས་རྫོགས་པ།། ཡེ་ཤེས་རྩེ་མོ་བླ་མེད་ཀུན་འབྱུང་ཉིད།། སངས་རྒྱས་ཀུན་གྱི་ཕྲིན་ལས་བཤད་དུ་གསོལ།། བླ་མེད་རྡོ་རྗེ་ཟབ་མོའི་རྟོག་སྤངས་ཏེ།། ཞི་དང་སྲིད་པའི་དངོས་པོ་ཐ་མི་དད།། གང་ལ་བླང་དོར་མེད
185a3 ཀྱང་བདུད་གཞོམ་ཕྱིར།། ཡེ་ཤེས་ཕུར་པའི་རྩེ་མོ་བཤད་དུ་གསོལ།། དེ་ནས་བཅོམ་ལྡན་འདས་རྣམ་པར་འཕྲོ་བ་འཇུག་པ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས། ཕྲིན་ལས་དུ་མ་ལ་འཇུག་པའི་ཕུན
185a4 སུམ་ཚོགས་པ་འདི་ཉིད་ཀྱི་སྐུ་དང་གསུང་དང་ཐུགས་རྡོ་རྗེ་རྣམས་ལས་ཕྱུང་ངོ་།། ཨོཾ་རྡོ་རྗེ་རིན་ཆེན་པདྨ་དང་།། ལས་རབ་མཆོག་དང་འཁོར་ལོ་ཆེ།། སྲས་མཆོག་ཕུར་པའི་རང་བཞིན་ནི།། འབར་བའི་ཁྲོ་བོ་ལ་སོགས
185a5 པ།། བཅུ་དྲུག་ལས་ཀྱི་དབྱེ་བ་ཡིས།། རྣམ་པ་བདུན་དུ་བཤད་བྱ་སྟེ།། ཞི་རྒྱས་དབང་དང་མངོན་སྤྱོད་ནི།། མཁས་པས་འབད་པར་བྱ་བ་ཡིན།། གང་ལ་དངོས་གྲུབ་བླང་བའི་དུས།། ངན་སྔགས་གཅད་དང་ཕྱག་རྒྱ
185a6 གཅད།། བགེགས་བསྐྲད་རང་གི་རིག་པ་གསོ།། ལྔ་ནི་ཡན་ལག་ཆོ་ག་ཤེས།། བསྒྲུབ་བྱ་གསད་ཕྱིར་དགུག་པ་དང་།། ཉམས་པར་བྱ་སྟེ་གསད་པ་དང་།། འབར་བ་འབོད་ཅིང་རྒོད་པ་དང་།། བསྡུ་བ་བྱང་ཆུབ་སེམས
iiif viewer powered by OpenSeadragon
