| e-texts navigator |
| Wylie |
184b1 རྗེ་དབུས་གནས་སུ།། འབར་བ་ཉིད་ཀྱི་སྟེང་ན་འགྱིང་།། རྡོ་རྗེ་འཇིགས་པའི་རྒྱན་གྱིས་བཞག། དཔའ་བོ་ཐེ་ཚོམ་མེད་པའི་རྒྱུ།། བློ་ཡི་རྣམ་པར་བརྟག་པར་བྱ།། ལས་རྣམས་འགྲུབ་པར་ཐེ་ཚོམ་མེད།། ཞལ་གསུམ་ཕྱག་དྲུག་ཞབས
184b2 བཞིའམ། ཡང་ན་གཉིས་པ་བརྟག་པའོ།། རྒྱན་ནི་ཀུན་གྱིས་སྐུ་ལ་བརྒྱན།། ལུས་དང་ངག་དང་ཡིད་ཀྱིས་ཀྱང་།། རྟག་ཏུ་མཉམ་སྦྱོར་མཁས་པས་འགྲུབ།། གང་དང་ཐུན་མོང་སོང་བ་དང་།། སྤྱི་ཡི་ལས་རྣམས་འགྲུབ
184b3 པར་འགྱུར།། དཀྱིལ་འཁོར་འདི་ནི་དཀྱིལ་འཁོར་ཆེ།། རྒྱུད་རྣམས་ཀུན་གྱི་ཆོ་གའོ།། རྒྱུད་རྣམས་ཀུན་གྱི་ཆོ་གར་བསྒྲུབ།། འཕགས་པ་ཁམས་གསུམ་ལས་རྣམ་པར་རྒྱལ་བའི་སྟོབས་ཀྱི་འབྱུང་བ་བརྟག་པ་ཞེས་བྱ
184b4 བའི་ཏིང་ངེ་འཛིན་ཏོ།། འཕགས་པ་དེ་བཞིན་གཤེགས་པ་ཐམས་ཅད་ཀྱི་ཡེ་ཤེས་ཀྱི་རྩེ་མོ་ཞེས་བྱའི་རྒྱུད་ཀྱི་རྒྱལ་པོ་ཆེན་པོ་ལས། འཕགས་པ་ཁམས་གསུམ་ལས་རྣམ་པར་རྒྱལ་བ་འཕྲུལ་པའི་བརྟག་པ་ཞེས་བྱ་བའི
184b5 ལེའུ་སྟེ་བཅུ་དྲུག་པའོ།། །། དེ་ནས་བཅོམ་ལྡན་འདས་དེ་བཞིན་གཤེགས་པ་ཐམས་ཅད་ཀྱི་སྐུ་དང་གསུང་དང་ཐུགས་ཀྱི་བདག་པོ། དཔལ་རྡོ་རྗེ་འཇིགས་བྱེད་ཀྱི་དབང་ཕྱུག་ཆེན་པོ་ཡེ་ཤེས་ཀྱི་རྩེ་མོ་འཕྲོ་བ་ཞེས
184b6 བྱ་བའི་ཏིང་ངེ་འཛིན་ལ་སྙོམས་པར་ཞུགས་སོ།། དེ་ནས་འཁོར་དེའི་ནང་ནས། གསང་བའི་བདག་པོ་ལག་ན་རྡོ་རྗེ་ཐོགས་པ་མེད་པ་ཞེས་བྱ་བ་རང་གི་འཁོར་དུ་མ་དང་བཅས་པས། བརྡའ་དང་མགྲིན་གཅིག་ཏུ་རྡོ
iiif viewer powered by OpenSeadragon
