| e-texts navigator |
| Wylie |
184a1 དུ་སྦྱར་བར་བྱ།། བསྐལ་པ་ཆེན་པོའི་ལས་རྣམས་ཀྱང་། ཁྲོ་བོས་མི་འགྲུབ་གང་ཡང་མེད།། མཁས་པས་རང་སེམས་བརྟན་པར་བྱ།། འཕགས་པ་རྣམ་པར་རྒྱལ་བའི་འཁོར་ལོ་བརྟག་པ་ཞེས་བྱ་བའི
184a2 ཏིང་ངེ་འཛིན་ཏོ།། འཕགས་པ་དེ་བཞིན་གཤེགས་པ་ཐམས་ཅད་ཀྱི་ཡེ་ཤེས་ཀྱི་རྩེ་མོ་ཞེས་བྱ་བའི་རྒྱུད་ཀྱི་རྒྱལ་པོ་ཆེན་པ་ལས། འཕགས་པ་རྣམ་པར་རྒྱལ་བ་འཕྲུལ་པའི་ཡེ་ཤེས་ཀྱི་རྩེ་མོ་འབྱུང་བ་བརྟག་པ་ཞེས་བྱ
184a3 བའི་ལེའུ་སྟེ་བཅོ་ལྔ་པའོ།། །། དེ་ནས་བཅོམ་ལྡན་འདས་དེ་བཞིན་གཤེགས་པ་ཐམས་ཅད་ཀྱི་སྐུ་དང་གསུང་དང་ཐུགས་ཀྱི་བདག་པོ། དཔལ་རྡོ་རྗེ་འཇིགས་བྱེད་དབང་ཕྱུག་ཆེན་པོ། ཡང་དག་པའི་རྡོ་རྗེ
184a4 འཇིགས་པ་མེད་པའི་ཀུན་ཏུ་བསྒྲེངས་པ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས། བགེགས་འཇིགས་པར་བྱེད་པའི་ཁྲོ་བོ་ཁམས་གསུམ་ལས་རྣམ་པར་རྒྱལ་བའི་གསང་སྔགས་ཀྱི་འབྱུང་བ་བརྟག་པ
184a5 འདི་ཉིད་ཀྱི་སྐུ་དང་གསུང་དང་ཐུགས་རྡོ་རྗེ་རྣམས་ལས་ཕྱུང་ངོ་། ཨོཾ་བཛྲ་མ་ཧཱ་ཀྲོ་དྷ་ཏྲཻ་ལོ་ཀྱ་ཧཱུཾ་ས་མ་ཡ་སྟྭཾ། ཨོཾ་ཨཱཿཧཱུཾ་ཧཱུཾ་ཧཱུཾ། འདི་དག་གསུངས་པའི་མོད་ལ་ནི།། དཔའ་བོ་རྣམས་ཀྱི་ཚོགས་དང་བཅས།། ཐམས་ཅད།
184a6 གུས་བཅས་བསྟོད་པར་སྦྱར།། འཇིག་རྟེན་འདིར་ནི་འཇིགས་པ་རྣམས།། ཐམས་ཅད་འཇིགས་པར་མཛད་པའོ།། སངས་རྒྱས་ཆེན་པོ་ཁྲོས་པའི་གཟུགས།། བདག་ཅག་ཁམས་གསུམ་རྒྱལ་ལ་སྐྱབས།། ནམ་མཁའ་རྡོ
iiif viewer powered by OpenSeadragon
