| e-texts navigator |
| Wylie |
183a1 ཡིས།། མཁས་པས་གང་ཡང་འགྲུབ་པར་ངེས།། གཞན་དུ་རྣམ་པར་དཔྱད་མི་དགོས།། འཕགས་པ་དེ་བཞིན་གཤེགས་པ་ཐམས་ཅད་ཀྱི་ཡེ་ཤེས་ཀྱི་རྩེ་མོ་ཞེས་བྱ་བའི་རྒྱུད་ཀྱི་རྒྱལ་པོ་ཆེན་པོ་ལས།།
183a2 འཕགས་པ་སུམ་བྷ་རྣམ་པར་འཕྲུལ་པའི་ཡེ་ཤེས་འབྱུང་བའི་བརྟག་པ་ཞེས་བྱ་བའི་ལེའུ་སྟེ་བཅུ་གསུམ་པའོ།། །། དེ་ནས་བཅོམ་ལྡན་དེ་བཞིན་གཤེགས་པ་ཐམས་ཅད་ཀྱི་སྐུ་དང་གསུང་དང་ཐུགས་ཀྱི་བདག་པོ།།
183a3 དཔལ་རྡོ་རྗེ་འཇིགས་བྱེད་ཀྱི་དབང་ཕྱུག་ཆེན་པོས། ཟབ་མོ་རྣམ་པར་བཀོད་པའི་རྡོ་རྗེ་རྣམ་པར་སྤངས་པ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས། ཧཱུཾ་ཆེན་པོ་རྣམ་པར་བརྟག་པ་ཞེས་བྱ་བའི་གསང
183a4 སྔགས་འདི་ཉིད་ཀྱི་སྐུ་དང་གསུང་དང་ཐུགས་རྡོ་རྗེ་རྣམས་ལས་ཕྱུང་ངོ་།། ཨོཾ་བཛྲ་མ་ཧཱ་ཀྲོ་ཧཱུཾ་ཀཱ་ར་ཨོཾ་ཨཱཿཧཱུཾ། འདི་དག་གསུངས་པའི་མོད་ལ་ནི།། གྲགས་པ་ཆེན་པོ་མཐའ་ཡས་ཀྱིས།། རྣམ་པར་བསྟོད་པ་སྤྲོས་པ
183a5 རྡོ་རྗེ་ཧཱུཾ་སྟེ་ཧཱུཾ་གི་མཆོག། ཧཱུཾ་གི་རང་བཞིན་མཁའ་དང་མཉམ།། གདུག་པའི་རྒྱན་གྱིས་རྣམ་པར་འབར།། རྡོ་རྗེ་ཧཱུཾ་ལ་ཕྱག་འཚལ་ལོ།། མཁའ་དབུས་ལག་མཐིལ་སྦྱར་ཏེ་བསྒྲེང་།། རྐང་པ་བརྐྱང་བསྐུམ
183a6 དོར་ཐབས་འདོར།། རྡོ་རྗེའི་སྟངས་སྟབས་གར་ཉིད་ཀྱིས།། གོམས་པ་ལེགས་པར་འཇོག་བྱེད་པ།། རྡོ་རྗེ་ཧཱུཾ་གི་ཕྱག་རྒྱ་ཡིན།། ནམ་མཁའ་རྡོ་རྗེ་དབུས་གནས་སུ།། ཉི་མའི་སྟེང་དུ་མཁས་པས་བརྟག། ཐམས་ཅད
iiif viewer powered by OpenSeadragon
