| e-texts navigator |
| Wylie |
182b1 བསྒྲུབ་བྱ་འཛིན།། ཐབས་ཀྱིས་ཅོད་པན་གདེངས་པར་བྱེད།། རྣམ་པར་བརྟག་པ་ཆེན་པོ་འདི།། མི་གཡོ་རྒྱལ་གྱི་རྒྱ་ཆེན་ཡིན།། དཔའ་བོས་བསྒོམ་ན་ལས་རྣམས་འགྲུབ།། ཐོགས་པ་མེད་པར་བསྒྲུབ་པ་ཞེས་བྱ་བའི
182b2 ཏིང་ངེ་འཛིན་ཏོ།། འཕགས་པ་དེ་བཞིན་གཤེགས་པ་ཐམས་ཅད་ཀྱི་ཡེ་ཤེས་ཀྱི་རྩེ་མོ་ཞེས་བྱ་བའི་རྒྱུད་ཀྱི་རྒྱལ་པོ་ཆེན་པོ་ལས། འཕགས་པ་མི་གཡོ་བར་རྣམ་པར་འཕྲུལ་པའི་ཡེ་ཤེས་འབྱུང་བ་བརྟག་པ་ཞེས་བྱ་བའི
182b3 ལེའུ་སྟེ་བཅུ་གཉིས་པའོ།། །། དེ་ནས་བཅོམ་ལྡན་འདས་དེ་བཞིན་གཤེགས་པ་ཐམས་ཅད་ཀྱི་སྐུ་དང་གསུང་དང་ཐུགས་ཀྱི་བདག་པོ། དཔལ་རྡོ་རྗེ་འཇིགས་བྱེད་ཀྱི་དབང་ཕྱུག་ཆེན་པོ། རྡོ་རྗེ་དགོངས་པ་རྣམ
182b4 པར་འགྲུབ་པ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས། ཁྲོ་བོ་གནོད་མཛེས་རྣམ་པར་འབྱུང་བའི་གསང་སྔགས་འདི་ཉིད་ཀྱི་སྐུ་དང་གསུང་དང་ཐུགས་རྡོ་རྗེ་རྣམས་ལས་ཕྱུང་ངོ་།། སུམ་བྷ་ནི་སུམ་བྷ
182b5 ནིཧཱུཾ། གྲྀཧྞ་གྲྀཧྞ་ཧཱུཾ། གྲྀ་ཧྞཱ་པ་ཡ། གྲྀ་ཧྞཱ་པ་ཡ་ཧཱུཾ། ཡཱ་ན་ཡ་ཧོ་བྷ་ག་བཱན་བིདྡྷ་ར་ཛ་ཧཱུ~ཾ་ཕཊ། འདི་ནི་གསུངས་པའི་མོད་ལ་ནི།། འབར་བ་རྣམས་ཀྱང་བསྟོད་པར་བྱེད།། དཔའ་བོ་མེ་ལྕེར་རབ་འབར་སྒྲ།། རྡོ་རྗེའི་འདུ
182b6 འཕྲོ་སྤྲིན་འཁྲུགས་པ།། གནོན་ཅིང་འགུགས་པའི་ལས་སོགས་ཆེ།། ཐུགས་ཀྱི་ཅོད་པན་ཕྱག་འཚལ་ལོ།། ནམ་མཁའ་རྡོ་རྗེའི་དབུས་གནས་སུ།། རྡོ་རྗེ་སྟོབས་ཀྱིས་འདུག་ནས་ཀྱང་།། རབ་ཏུ་བརྩོན་པར་བྱེད་པ
iiif viewer powered by OpenSeadragon
