| e-texts navigator |
| Wylie |
181a1 འདས་དེ་བཞིན་གཤེགས་པ་ཐམས་ཅད་ཀྱི་སྐུ་དང་གསུང་དང་ཐུགས་ཀྱི་བདག་པོ། དཔལ་རྡོ་རྗེ་འཇིགས་བྱེད་ཀྱི་དབང་ཕྱུག་ཆེན་པོ་ཡེ་ཤེས་འཕྲོ་བ་ཆེན་པོ་ཕུང་པོ་བཀོད་པ་ཞེས་བྱ་བའི་ཏིང་ངེ་འཛིན
181a2 ལ་སྙོམས་པར་ཞུགས་ནས། རྡོ་རྗེ་སྟོབས་ཀྱི་གསང་སྔགས་འདི་ཉིད་ཀྱི་སྐུ་དང་གསུང་དང་ཐུགས་རྡོ་རྗེ་རྣམས་ལས་ཕྱུང་ངོ་།། ན་མཿས་མནྟ་བུདྡྷ་ནཱཾ་ཀཱ་ཡ་བཱག་ཙིཏྟ་བཛྲཱ་ཎཱཾ། ཨོཾ་ཧཱུཾ་ཧཱུཾ་ཧཱུཾ། ཕཊ་ཕཊ་ཕཊ། ཨོཾ་ཨུ་གྲ་ཤཱུ་ལ
181a3 པཱ་ཎི། ཧཱུཾ་ཧཱུཾ་ཧཱུཾ། ཕཊ་ཕཊ་ཕཊ། ཨོཾ་ཛྱོ་ཏི་ནི་ར་ད་ནཱ། ཧཱུཾ་ཧཱུཾ་ཧཱུཾ། ཕཊ་ཕཊ་ཕཊ། ཨོཾ་མ་ཧཱ་བ་ལཱ་ཡ་སྭཱ་ཧཱ། འདི་ནི་གསུངས་མ་ཐག་ཏུ་ཡང་།། སངས་རྒྱས་ཚོགས་ཆེན་འཇིགས་གྱུར་ནས།། རབ་ཏུ་འདར་བས་བསྟོད་པར
181a4 བྱེད།། རྡོ་རྗེ་རྡོ་རྗེ་སྟོབས་ཀྱི་མཆོག། གང་གིས་དྲན་ན་ཀླུ་རྣམས་འཇིགས།། དེ་ཕྱིར་ཆར་གྱི་རྒྱུན་འབེབས་ཤིང་།། བཟླས་ལ་མཛད་སྟོབས་ལ་བསྟོད་དོ།། མཁས་པས་ནམ་མཁའ་རྡོ་རྗེའི་དབུས།། ཉི་མའི
181a5 དཀྱིལ་དབུས་རྣམ་བསམ་བྱ།། འབར་བའི་འདུ་འཕྲོ་སྐུ་ལ་འབར།། ཐུགས་ཀྱི་རྡོ་རྗེ་ཅོད་པན་བྱས།། ལས་ཀྱི་རྒྱལ་པོར་བརྟག་པར་བྱ།། ཐུར་དུ་རྐང་མཐིལ་མཉམ་གནས་ཤིང་།། ལག་པ་སོ་སོར་གར་ལ
181a6 བརྩོན།། སྟོབས་ཆེན་འཆང་བའི་ང་རྒྱལ་ནི།། རྡོ་རྗེ་སྟོབས་ཀྱི་ཕྱག་རྒྱ་ཡིན།། མཉམ་གནས་མཁས་པས་འབད་པར་བྱ།། ཕྱི་རོལ་གྱི་ལས་བརྟག་པ་ཞེས་བྱ་བའི་ཏིང་ངེ་འཛིན་ཏོ།། འཕགས་པ་དེ་བཞིན་གཤེགས
iiif viewer powered by OpenSeadragon
