| e-texts navigator |
| Wylie |
176b1 བཅོམ་ལྡན་འདས་དེ་བཞིན་གཤེགས་པ་ཐམས་ཅད་ཀྱི་སྐུ་དང་གསུང་དང་ཐུགས་ཀྱི་བདག་པོ། དཔལ་རྡོ་རྗེ་འཇིགས་བྱེད་ཀྱི་དབང་ཕྱུག་ཆེན་པོ་སོ་སོར་རྟོག་པའི་ཤེས་རབ་ཆེན་པོ་དྲི་མ་མེད་པའི་སྟོབས་ཀྱིས་བདུད
176b2 སྲེག་པར་བྱེད་པའི་ཏིང་ངེ་འཛིན་ལ་སྙོམས་པར་ཞུགས་ནས། རྣམ་པར་མནལ་བར་གྱུར་ཏོ།། དེ་ནས་དེའི་ཚེ་དེའི་དུས་ན། རིག་འཛིན་ཆེན་པོ་འཁོར་དང་བཅས་པ་རྣམས། རང་རང་གི་འཁོར་དང་བཅས་པས་བཅོམ
176b3 ལྡན་འདས་ལ་མངོན་པར་བལྟ་ཞིང་ཚིགས་སུ་བཅད་པའི་དབྱངས་ཀྱིས་གསོལ་བ་བཏབ་པ། ཀྱེ་མ་སངས་རྒྱས་མཛད་པ་ཆེ།། ཆོ་འཕྲུལ་ཆེན་པོ་སྟོན་པ་པོ།། བདེ་བ་ཆེན་པོའི་མྱུ་གུ་ལས།། འབྲས་བུ་གྱ་ནོམ་བཤད་དུ
176b4 གསོལ།། སྤྲུལ་པ་ལས་ཀྱང་སྤྲུལ་པ་ཆེ།། སྲས་ཀྱི་དམ་པ་ཁྲོ་བོ་མཆོག། གདུག་པ་མཆེ་བ་རྣོན་པོ་ཅན།། འབར་བའི་སྤྲིན་ཕུང་བཤད་དུ་གསོལ།། གདུག་པ་བསྲེག་པར་བགྱི་བ་དང་།། སློབ་དཔོན་སྨོད་པ་གསོད་པ
176b5 དང་།། སངས་རྒྱས་བསྟན་པའི་སླད་བཞིན་དུ།། མྱུར་དུ་ཁྲོ་ཆེན་བཤད་དུ་གསོལ།། ཞེས་གསོལ་པས། དེ་ནས་བཅོམ་ལྡན་འདས་དེ་བཞིན་གཤེགས་པ་སརྦ་ཀུན་གྱི་སྐུ་དང་གསུང་དང་ཐུགས་ཀྱི་བདག་པོས། རང
176b6 བཞིན་གྱིས་འབར་བའི་ཀུན་ཏུ་གནོན་པ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས། མྱུར་དུ་སྲེག་པ་ཞེས་བྱ་བའི་རྣམ་པར་འཕྲུལ་པའི་གསང་སྔགས་འདི་བཤད་དོ།། ན་མཿས་མནྟ་ཀཱ་ཡ་བཱག་ཙིཏྟ་བཛྲཱ་ཎཱཾ།
iiif viewer powered by OpenSeadragon
