| e-texts navigator |
| Wylie |
176a1 པོ་སྔགས་ཀྱི་སྒྲ།། ལྷག་པར་མོས་པའི་སྒྲ་ཡིས་བརྗོད།། གང་འདི་མངོན་སྤྱོད་ཆེར་གནས་ཞེས།། མཁས་པས་ཞེན་པ་སྤང་བར་བྱ།། རྡོ་རྗེ་འཁོར་ལོ་རིན་ཆེན་དང་།། པདྨ་རྒྱ་གྲམ་དབུས་གནས
176a2 པར།། གནས་དང་ཕྱག་རྒྱ་འཁོར་གྱི་ཚོགས།། མཁས་པས་སྤྱི་ཡི་རིགས་ལྟར་བརྟག། འཁོར་གྱི་དམ་པ་སེམས་ལས་བསྐྱེད།། གལ་ཏེ་སྤྱོད་དང་མི་གནས་པར།། འཁོར་བ་ལ་སོགས་སྣམ་བུ་ལ།། ཅི་རིགས་པ་ཡི
176a3 ཕྱོགས་སུ་དགོད།། གལ་ཏེ་གཙོ་བོ་གཅིག་ལ་ཡང་།། མཁས་པས་དུ་མའི་འཁོར་དུ་གཞག། འབར་བའི་གཙོ་བོ་རྣམ་གཞག་པ།། ཕྲ་མོའི་ལས་ལ་མཁས་པ་ཡིས།། འཁོར་ལས་གཙོ་བོ་བརྟག་པར་བྱ།། ཐ་ན་ཐ་མའི
176a4 ལས་ལ་ཡང་།། འབར་བའི་ཅོད་པན་མཛེས་པར་བྱ།། འདི་ནི་འཕྲོ་བའི་དཀྱིལ་འཁོར་ཏེ།། དཀྱིལ་འཁོར་ཐམས་ཅད་འདི་ལས་འཕྲོས།། འདི་ནི་འདུ་བའི་དཀྱིལ་འཁོར་ཏེ།། དཀྱིལ་འཁོར་ཐམས་ཅད་འདི་ལ
176a5 འདུ།། འདི་ནི་གནས་པའི་དཀྱིལ་འཁོར་ཏེ།། དཀྱིལ་འཁོར་ཐམས་ཅད་འདི་ལ་གནས།། རང་བཞིན་དཀྱིལ་འཁོར་བརྟག་པ་ཞེས་བྱ་བའི་ཏིང་ངེ་འཛིན་ཏོ།། འཕགས་པ་དེ་བཞིན་གཤེགས་པ་ཐམས་ཅད་ཀྱི་ཡེ་ཤེས
176a6 ཀྱི་རྩེ་མོ་ཞེས་བྱ་བའི་རྒྱུད་ཀྱི་རྒྱལ་པོ་ཆེན་པོ་ལས་དེ་བཞིན་གཤེགས་པ་ཐམས་ཅད་ཀྱི་སྐུ་དང་གསུང་དང་ཐུགས་རྡོ་རྗེའི་རང་བཞིན་གྱི་རྣམ་པར་བཀོད་པ་ཆེན་པོ་ཞེས་བྱ་བའི་ལེའུ་སྟེ་བཞི་པའོ།། །། དེ་ནས
iiif viewer powered by OpenSeadragon
