| e-texts navigator |
| Wylie |
175b1 ནི་རྡོ་རྗེ།། མིག་སྨན་གྱི་ནི་མདོག་དང་འདྲ།། གཙོ་བོའི་གྲངས་དང་མཉམ་པ་ཡི།། རྩེ་བ་འཕྲོ་བ་དབུས་སུ་གཞག། རྩིབས་བརྒྱད་པ་ནི་འབར་བ་སྟེ།། མདུན་དུ་ཡང་དག་གནས་པར་བྱ།། རྡོ་རྗེ་མཛེས་པ་དེ་ལྟར
175b2 རོ།། འོད་ཟེར་དུ་མ་རིན་པོ་ཆེ།། རང་གི་གནས་སུ་གཞག་པར་བྱ།། དེ་བཞིན་པདྨ་རལ་གྲི་ཆེ།། པདྨ་རཱ་ག་རང་གི་མདོག། ཐམས་ཅད་རང་གི་རྒྱན་གྱིས་གཞག་པར་བྱ།། བེ་ཅོན་ཐོ་བ་པད་རྒྱ་གྲམ།། ཇི་ལྟར་ཕྱོགས
175b3 ཕྱོགས་དེ་བཞིན་ནོ།། དེ་དག་ཆ་ལུགས་རྫོགས་པ་ནི།། དཀྱིལ་འཁོར་འདི་ནི་རབ་བཤད་པ།། དཀྱིལ་འཁོར་འབྱུང་བ་རྣམ་གཉིས་ཏེ།། གང་དག་སྤྱི་ཡི་དོན་དང་སྒོས།། གནས་པ་དེ་ཡིས་སོ་སོ་ཡིན།། འདི་ནི་སྤྱི་ཡི
175b4 དཀྱིལ་འཁོར་ཏེ།། དཀྱིལ་འཁོར་ཐམས་ཅད་འབྱུང་བའོ།། འདི་ནི་ཞི་རྒྱས་དབང་མངོན་སྤྱོད།། འདི་ནི་འདི་ལྟར་ཀུན་ཏུ་འགྱུར།། མཁས་པས་གང་ལ་གང་མོས་པ།། ལྷག་པར་འཇུག་པའི་དཀྱིལ་འཁོར་བརྟག། ཤེས
175b5 རབ་ཅན་གྱིས་སྔར་བསྒྱུར་ཞིང་།། མཁས་པས་གླང་ཆེན་ལྕགས་ཀྱུ་ལྟར།། གང་ལ་གང་ངེས་རིགས་སུ་བརྟག། འདས་དང་མ་འོངས་ལྷ་རྣམས་ཀྱི།། རིགས་ནི་ངེས་པར་སེམས་ཀྱིས་བསྒྱུར།། འདི་ནི་གཙོ་བོའི་ལས
175b6 ཆེན་ཏེ།། གནང་བ་ཐོབ་པར་བྱ་བ་ཡང་།། རང་མོས་དཀྱིལ་འཁོར་བརྟག་པར་བྱ།། ཕྱོགས་བཅུ་དུས་གསུམ་བདེར་གཤེགས་ཀྱི།། དཀྱིལ་འཁོར་ཀུན་གྱི་རྒྱུ་ཡིན་ཏེ།། འབྲས་བུ་རྣམས་ལ་ནན་ཏན་བྱ།། ལྷ་དང་གཙོ
iiif viewer powered by OpenSeadragon
