| e-texts navigator |
| Wylie |
174b1 འཛིན་འདི་ཉིད་ཀྱི་སྐུ་དང་གསུང་དང་ཐུགས་རྡོ་རྗེ་རྣམས་ལས་ཕྱུང་ངོ་།། བིསྠཱན་ཏ་ཀྲྀཏ། ལས་ཀྱི་བདུད་རྩིས་རྣམ་པར་མྱོས་པ་ཞེས་བྱ་བའི་ཏིང་ངེ་འཛིན་ཏོ།། དེ་བཞིན་གཤེགས་པ་ཐམས་ཅད་ཀྱི་སྐུ་དང་གསུང
174b2 དང་ཐུགས་ཀྱི་ཚུལ་མི་དམིགས་པ་མཉམ་པའི་རྡོ་རྗེ་སྟེ། ཐམས་ཅད་ཀུན་གྱི་སྒོར་གནས་པ། ཐུན་མོང་ཆེན་པོ་ཞེས་ཀྱང་བྱ། དེ་ནས་བྱམས་པ་ཆེན་པོ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས། ཉིད་ཀྱི་སྐུ
174b3 དང་གསུང་དང་ཐུགས་རྡོ་རྗེ་རྣམས་ལས་དགུག་པ་མངོན་པར་གྲུབ་པའི་ཡེ་ཤེས་འདི་ཕྱུང་ངོ་།། ཛ་རྡོ་རྗེ་ལྕགས་ཀྱུ་རྣམ་པར་བརྟག་པ་ཞེས་བྱ་བའི་ཏིང་ངེ་འཛིན་ཏོ།། དེ་ནས་བཅོམ་ལྡན་འདས་སྙིང་རྗེ་རྣམ་པར་རོལ
174b4 པ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས། ཉིད་ཀྱི་སྐུ་དང་གསུང་དང་ཐུགས་རྡོ་རྗེ་རྣམས་ལས་གཞུག་པ་མངོན་པར་གྲུབ་པའི་ཡེ་ཤེས་འདི་ཕྱུང་ངོ་།། ཧཱུཾ། རིན་པོ་ཆེ་བཅིངས་པའི་རྣམ་པར་བརྟག་པ
174b5 ཞེས་བྱ་བའི་ཏིང་ངེ་འཛིན་ཏོ།། དེ་ནས་བཅོམ་ལྡན་འདས་དགའ་བས་རྣམ་པར་རོལ་པ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས། པདྨའི་བསྡམ་པ་མངོན་པར་གྲུབ་པ་ཞེས་བྱ་བ་འདི་ཉིད་ཀྱི་སྐུ་དང
174b6 གསུང་དང་ཐུགས་རྡོ་རྗེ་རྣམས་ཕྱུང་ངོ་།། བཾ། པདྨ་ལྕགས་སྒྲོག་རྣམ་པར་བརྟག་པ་ཞེས་བྱ་བའི་ཏིང་ངེ་འཛིན་ཏོ།། དེ་ནས་བཅོམ་ལྡན་འདས་བཏང་སྙོམས་ཆེན་པོས་རྣམ་པར་རོལ་པ་ཞེས་བྱ་བའི་ཏིང་ངེ་འཛིན་ལ
iiif viewer powered by OpenSeadragon
