| e-texts navigator |
| Wylie |
167a1 བྱ།། སྨུག་ནག་ཏིང་འཛིན་རྣམ་པར་རྔམས།། འཁོར་ལོ་འབར་བའི་རང་བཞིན་ཏེ།། ཐམས་ཅད་འཁོར་ལོའི་ང་རྒྱལ་གྱིས།། གཏི་མུག་གཏན་དུ་ཞི་བར་བྱ།། སེར་ནག་ཏིང་འཛིན་རྣམ་པར
167a2 འཇིགས།། རིན་ཆེན་འབར་བའི་རང་བཞིན་ཏེ།། ཐམས་ཅད་རིན་ཆེན་ང་རྒྱལ་གྱིས།། ང་རྒྱལ་གཏན་དུ་ཞི་བར་བྱ།། དམར་ནག་ཏིང་འཛིན་རྣམ་པར་རྒོད།། འདོད་ཆགས་འབར་བའི་རང་བཞིན་ཏེ།། ཐམས་ཅད
167a3 པདྨའི་ང་རྒྱལ་གྱིས།། འདོད་ཆགས་གཏན་དུ་ཞི་བར་བྱ།། ལྗང་ནག་ཏིང་འཛིན་རྣམ་པར་གཙིགས།། ཕྲག་དོག་འབར་བའི་རང་བཞིན་ཏེ།། ཐམས་ཅད་རལ་གྲིའི་ང་རྒྱལ་གྱིས།། ཕྲག་དོག་གཏན་དུ་ཞི་བར་བྱ།། ཞེས
167a4 གསུངས་སོ།། དེ་ནས་དེའི་ཚེ་དེའི་དུས་ན།། འཇིག་རྟེན་གྱི་ཁམས་ནམ་མཁའི་གཏོས་དང་མཉམ་པ་ཐམས་ཅད་ནི་ཀུན་ཏུ་འཐོར་ཞིང་། འཇིག་རྟེན་ན་དབང་ཆེ་བ་ཐམས་ཅད་པ་སྤུ་འཁྲུགས་པ་དང་། མིག་འཆི་མས
167a5 རྒྱས་པ་དང་ལུས་དུབ་པའི་གཟུགས་ཀྱིས་དེ་བཞིན་གཤེགས་པ་ཁྲོ་བོ་འབར་བའི་སྤྲིན་ཕུང་ལ་ཞུམ་པའི་བརྒྱལ་ཚུལ་གྱིས་བུ་སྨད་དང་།། འཁོར་དུ་བཅས་པས་ཐལ་མོ་སྦྱོར་བ་ལ་སོགས་པས་འདི་སྐད་ཅེས་གསོལ
167a6 ཏོ།། ཨེ་མ་ཧོ་སངས་རྒྱས་བཅོམ་ལྡན་འདས། ཁྲོ་ལ་ཁྲོས་པས་ཁྲོ་བོ་ཆེ།། སྣ་ཚོགས་དུ་མའི་ཁྲོ་བོའི་སྤྲིན།། འབར་བ་གཅིག་ལས་རྣམ་པར་བྱུང་།། དེ་བཞིན་གཅིག་ལ་ཕྱག་འཚལ་ལོ།། སྣ་ཚོགས་དུ་མའི་གཟུགས
iiif viewer powered by OpenSeadragon
