| e-texts navigator |
| Wylie |
161b1 མཁས་པས་བརྟག་པར་བྱ།། ཡི་གེ་བདུན་གྱི་ཆོ་འཕྲུལ་ཏེ།། ཧཱུཾ་ཕཊ་ཨ་ཡི་རང་བཞིན་ནི།། ངོས་དང་ཟུར་དང་རྩེ་མོའི་ཆ།། རྣམ་པ་གསུམ་གྱི་གནས་སུ་བཞག། འབར་བ་བས་ཀྱང་ཆེས་འབར་བ།། དཔའ་བོས་རིགས
161b2 ཀྱིས་བརྟག་པར་བྱ།། ཡོངས་སུ་བརྟག་པའི་ཏིང་འཛིན་ནི།། ཐུགས་ཀྱི་ཡེ་ཤེས་རྩེ་མོ་ལ།། རང་བཞིན་གཅིག་གི་བདག་ཉིད་ལས།། གཞན་དུ་འདས་པ་མ་ཡིན་ནོ།། དེ་ནས་བཤད་པར་བྱ་བ་ནི།། སོ་སོ་རིགས་ཀྱི་ཁྲོ
161b3 བོ་རྣམས།། དུ་མས་བྱིན་གྱིས་བརླབ་པའི་ཕྱིར།། དེ་ཉིད་ཕྱོགས་བཅུར་འཕྲོས་པ་ལས།། བསམ་གྱིས་མི་ཁྱབ་དོན་ལ་མཁས།། ནམ་མཁའ་ཁྱབ་པར་སོང་ནས་ནི།། སླར་ལ་འདུས་པས་སྒྲ་སྐད་ཀྱང་།། ཧཱུཾ་དང་ཕཊ་ཀྱི
161b4 གླུ་ལེན་ཅིང་།། དེ་ཉིད་སྐུ་ལ་རྣམ་པར་བསྟིམ།། ཕྱོགས་བཅུའི་ཁྲོ་བོ་མ་ལུས་པ།། བདག་ཉིད་ཆེན་པོ་དེ་ལ་གནས།། དེ་ནས་འགྲོ་བའི་དོན་བརྩོན་པ།། ཆོས་ཀྱི་དབྱིངས་ནས་བཞུགས་པ་ཡི།། ལྷུན་གྱིས་གྲུབ་པའི
161b5 སངས་རྒྱས་རྣམས།། རྣལ་འབྱོར་བསྐྱང་བའི་དམ་བཅས་པའི།། ལུས་ལ་འཇུག་ཅིང་གྲོགས་མཛད་པ།། བྱིན་རླབས་འཕེལ་བར་ཐེ་ཚོམ་མེད།། འབར་བ་བས་ཀྱང་ཆེར་འབར་བ།། བདག་ཉིད་ཁྲག་འཐུང་ཆེན་པོར
161b6 བརྟག། བདག་ཉིད་ཆེན་པོའི་ཕུར་པ་ནི།། མཁས་པས་རྟག་ཏུ་བྱིན་གྱི་བརླབ།། དེ་ཡི་ཆོ་ག་བསྟན་པ་ནི།། ཐབས་ཀྱི་ཕྱག་རྒྱ་དབུས་གནས་སུ།། མ་ལས་ཉིད་ཀྱི་ཧཱུཾ་གིས་མཛེས།། ཤེས་རབ་ཕྱག་རྒྱའི་དབུས
iiif viewer powered by OpenSeadragon
