| e-texts navigator |
| Wylie |
161a1 པ་དམ་བཟུང་བ།། དེ་ནས་དགའ་བའི་སློབ་པ་ལ།། རིགས་ལྔར་བྱིན་གྱིས་བརླབ་པ་བསྟན།། རྡོ་རྗེ་དང་ནི་འཁོར་ལོ་དང་།། རིན་ཆེན་པདྨ་རྒྱ་གྲམ་མཆོག། ས་བོན་མཁས་པས་བརྟགས་ནས་ནི།། རང
161a2 གི་གནས་སུ་བསམ་པར་བྱ།། དེ་ཡི་ཡོན་ཏན་ཆེན་པོས་ཀྱང་།། མཁས་པས་ཤིན་ཏུ་འབར་བར་བསྒོམ།། བསམ་གྱིས་མི་ཁྱབ་རང་བཞིན་གྱིས།། བསམ་གྱིས་མི་ཁྱབ་གནས་སུའོ།། དེ་ནས་མཁས་པས་བརྟག་པ
161a3 ནི།། འབར་བའི་སྐུ་དང་གསུང་ཐུགས་ཏེ།། སྤྱི་བོའི་གཙུག་ཏུ་བསམ་པ་ནི།། དྲི་མེད་སྐུ་ཡི་ས་བོན་ཞག། དབུ་མའི་ཚད་དུ་མཁས་པས་བྱ།། རྣམ་དག་གསུང་གི་ས་བོན་བཞག། ཡེ་ཤེས་རྩེ་མོའི་ཆ་ཉིད་ལ།། བླ
161a4 མེད་ཐུགས་ཀྱི་ཡི་གེ་བསམ།། ནམ་མཁའི་མཐའ་དང་མཉམ་པ་ཡི།། སངས་རྒྱས་ཆེན་པོ་སྲས་བཅས་ཀྱིས།། སྐུ་གསུང་ཐུགས་ཀྱི་རང་བཞིན་པས།། ཇི་སྙེད་སངས་རྒྱས་ཐམས་ཅད་ཀྱི།། སྐུ་གསུང་ཐུགས་ཀྱི་བདག
161a5 ཉིད་ཀྱང་།། གཞན་ན་ཡོད་པ་མ་ཡིན་ཏེ།། དེ་ཉིད་ཡེ་ཤེས་ཀུན་གྱི་བདག། འབར་བ་བས་ཀྱང་ཆེར་འབར་བས།། རྣལ་འབྱོར་ཚོགས་ཀྱིས་བལྟ་བར་བྱ།། འཕགས་པ་དེ་བཞིན་གཤེགས་པ་ཐམས་ཅད་ཀྱི་ཡེ་ཤེས་ཀྱི
161a6 རྩེ་མོ་ཞེས་བྱ་བའི་རྒྱུད་ཀྱི་རྒྱལ་པོ་ཆེན་པོ་ལས། ཁྲོ་བོའི་ཚོགས་བྱིན་གྱིས་བརླབས་ཤིང་དབང་བསྐུར་བའི་ལེའུ་སྟེ་གཉིས་པའོ།། །། དེ་ནས་ཡང་དག་བཤད་བྱ་བ།། ཐུགས་ཀྱི་ཡེ་ཤེས་རྩེ་གཅིག་པར།། དེ་ཉིད
iiif viewer powered by OpenSeadragon
