| e-texts navigator |
| Wylie |
159a1 པ་ཡང་།། རྡོ་རྗེ་རྒྱ་མདུད་གཞལ་ཡས་སུ།། དབུས་མཉམ་པ་ཡི་ཚད་དུ་ནི། ཁྲག་འཐུང་ཆེན་པོའི་གདན་ལ་བཞག་ཁམས་གསུམ་ཀུན་ལས་རྣམ་པར་རྒྱལ།། གཤིན་རྗེའི་རྒྱལ་མཆོག་ཉིད་དང
159a2 ནི།། དཔལ་ལྡན་རྟ་སྐད་བཞད་པ་དང་།། རྡོ་རྗེ་སྟོབས་ཀྱི་ཡེ་ཤེས་རྣམས།། ཤར་ལྷོ་ནུབ་བྱང་དབུས་གནས་སུ།། བཙུན་མོའི་ཚོགས་ཀྱིས་འཁྱུད་པ་སྟེ།། སོ་སོའི་སྙིང་པོ་དྲན་ཙམ་གྱིས།། ཧཱུཾ་ལས་འཁྲུངས་པར་རྣམ
159a3 པར་བརྟག། འཁོར་དང་བཅས་པའི་དཀྱིལ་འཁོར་ལ།། མཆོད་པ་མཆོག་གིས་ཡང་དག་མཆོད།། སྔོན་གྱི་དམ་ཚིག་སྨོས་པས་ནི།། ཐུགས་དམ་རྗེས་སུ་བསྐུལ་བར་བྱ།། གཉིས་སུ་མེད་པར་རོལ་པ་དང་།། རྒྱན
159a4 རྣམས་ཀུན་ཏུ་རྫོགས་པ་ནི།། བདེ་བ་ཆེན་པོའི་སྐུ་མཆོག་སྟེ།། ལོངས་སྤྱོད་ཆེན་པོ་རྫོགས་པའི་སྐུ།། བདེ་བ་ཆེན་པོའི་རོལ་པ་ཡིས།། གཉིས་སུ་མེད་པར་སྤྲོས་པ་ཆེ།། རྟག་པ་ཆེན་པོའི་གཡུང་དྲུང་ནི།། ཡབ་ཀྱི་ཆོ་ག
159a5 མཛད་པའོ།། རྗེས་སུ་རྣལ་འབྱོར་ཆེན་པོ་ཡིས།། མཁས་པས་དྲན་པ་ཙམ་གྱིས་ཀྱང་།། རྣལ་འབྱོར་རོལ་པ་སྟེར་བ་སྟེ།། རྩོལ་བ་མེད་པའི་ཏིང་འཛིན་གྱིས།། ཐམས་ཅད་དུ་མར་སྣང་བ་ཡིན།། སྣང་བ་མེད་པའི་རང
159a6 བཞིན་ནི།། རྣལ་འབྱོར་ཆེན་པོའི་སྤྱོད་ཡུལ་ལོ།། དེ་ནས་དཔལ་ལྡན་སྲས་ཀྱི་མཆོག། ཡང་དག་བྱིན་གྱིས་བརླབ་པ་ནི།། ཐུགས་ལས་འཕྲོས་པས་ཐུགས་ཀྱི་སྲས།། གསང་སྔགས་ཡང་དག་བསྟན་པ་ནི།། ཨོཾ་བཛྲ་ཀི
iiif viewer powered by OpenSeadragon
