| e-texts navigator |
| Wylie |
158b1 ཁ་ཞེ་གདུག་རྩུབ་གནག་ཅིང་རྣོ།། ཚེར་མ་ལ་སོགས་མཚན་མ་ཚང་།། མགོ་རྐང་དབྱིབས་ནི་མ་ནོར་བར།། བཅུ་གཉིས་དང་ནི་སོར་བརྒྱད་སོགས།། ཇི་ལྟར་མཁས་པས་དེ་བཞིན་དུ།། རྒྱ་མདུད་སོར་རེ་ཚད་དག
158b2 ལ།། འབར་བའི་ངོས་ནི་ཟུར་བརྒྱད་ལ།། སྨད་ནི་རྔམ་པའི་ཟུར་གསུམ་སྟེ།། རི་རབ་ལྟ་བུར་བརྗིད་པ་དང་།། ཉི་མ་འབུམ་བཞིན་རྣམ་པར་འཚེར།། ནམ་མཁའ་ཀུན་ལ་ངེས་པར་ཁྱབ།། ཞི་བ་གཉིས་ཀྱི་དཀྱིལ་འཁོར
158b3 མཛེས།། རྣམ་པ་བརྒྱད་དུ་ཡང་དག་རྒྱས།། དབང་གསུམ་དྲག་པོའི་ཚད་དང་ལྡན།། ཆོ་ག་བཞི་ཡི་དབྱིབས་བརྒྱད་མཛེས།། རྩེ་མོ་རྣམ་པར་ཕྲ་བ་ཉིད།། རྣམ་པར་ཐར་པའི་མངོན་སྤྱོད་དེ།། སུམ་ཅུ་རྩ་ལྔ་ཐུན་མོང
158b4 གི། ཆོ་ག་ཉིད་དུ་མཁས་པས་བརྟག། ཡེ་ཤེས་རྩེ་མོའི་བཞི་ཡི་ནི།། ཡེ་ཤེས་རྩེ་མོའི་རྣལ་འབྱོར་ཚད།། ཅེས་གསུངས་སོ།། དེ་ནས་བཅོམ་ལྡན་འདས་རྡོ་རྗེའི་བདག་པོ་དབང་ཕྱུག་ཕུན་གསུམ་ཚོགས་པ་ཞེས་བྱ་བའི
158b5 ཏིང་ངེ་འཛིན་ལ་སྙོམས་པར་ཞུགས་ཏེ། ཉིད་ཀྱི་སྐུ་དང་གསུང་དང་ཐུགས་རྡོ་རྗེ་ལས་བྱིན་གྱིས་རློབས་པ་འདི་ཕྱུང་ངོ་།། རྗེས་སུ་རྣལ་འབྱོར་ཆེན་པོ་ཡིས།། བསྒོམ་པར་བྱ་བ་འཁྲུལ་པ་སྟེ།། བྱ་དང་བྱེད་པ་སྤངས་པ
158b6 ཡིས།། རྣམ་པར་མི་རྟོག་ཏིང་འཛིན་ནི།། མཁས་པས་འབད་པ་མེད་པར་བྱ།། ཆོས་ཀྱི་སྐུ་མཆོག་བདུད་རྩི་ཡིས།། འགྲོ་བའི་རང་བཞིན་མེད་བཞིན་དུ།། ཐམས་ཅད་མ་ལུས་གསོ་བར་བྱ།། དེ་ནས་མཁས་པས་འབད།
iiif viewer powered by OpenSeadragon
