| e-texts navigator |
| Wylie |
157a1 #། མཛད་པ།། སངས་རྒྱས་ཁྲོ་བོ་བཅོམ་ལྡན་འདས། ཁྲོ་ཞི་ཆེ་ལ་ཕྱག་འཚལ་ལོ།། ཞེས་གསོལ་ཏོ།། དེའི་ཚེ་དེའི་དུས་ན། སངས་རྒྱས་སྲས་དང་བཅས་པ་རྣམས། རང་རང་གི་འཁོར་གྱིས་བསྐོར་བ་དང
157a2 རྒྱལ་བའི་ཞིང་གི་བཅུད་གང་རྣལ་འབྱོར་ཆེན་པོ་བསམ་གྱིས་མི་ཁྱབ་པ་རྣམས་ཀྱང་འདུས། རིག་འཛིན་གྱི་ཁྲོ་བོའི་ཚོགས་པདྨའི་འཁོར་དང་བཅས་པ་དེ་རྣམས་ཀྱང་ཀུན་ཏུ་ངོམ་པ་ལ་སོགས་པ་ཐོབ་བོ།། རྡོ་རྗེ་ཐེག་པ
157a3 ཡོངས་སུ་སྐྱོང་བར་འཚལ་བའི་བདག་པོ། གང་དམ་ཚིག་གིས་བྱིན་གྱིས་མ་བརླབས་པ་དེ་དག་ཀྱང་། མངོན་པར་འདུན་པའི་སྒོ་ནས་མགྲིན་གཅིག་ཏུ། དེ་བཞིན་གཤེགས་པ་ཐམས་ཅད་ཀྱི་བདག་པོ་ལ། རྡོ་རྗེ་གར
157a4 གྱིས་མཆོད་དེ། འདི་སྐད་ཅེས་གསོལ་ཏོ།། ཀྱེ་བཅོམ་ལྡན་འདས་དེ་བཞིན་གཤེགས་པ་ཐམས་ཅད་ཀྱི་ཡེ་ཤེས་ཀྱི་རྩེ་མོ་ཞེས་བྱ་བ། དེ་བཞིན་གཤེགས་པས་འདི་བཤད་དུ་གསོལ། ཞེས་གསོལ་བ་བཏབ་པ་དང་། དེ
157a5 ནས་བཅོམ་ལྡན་འདས་ཀྱིས་གཏི་མུག་སེལ་བ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ཏེ། རྡོ་རྗེའི་གནས་ནས་ཐོགས་པ་མེད་པའི་འོད་ཟེར་ཀུན་ཏུ་འཕྲོ་བ་ཞེས་བྱ་བ་ཕྱུང་སྟེ། དཀྱིལ་འཁོར་ཐམས་ཅད་རྡོ།
157a6 རྗེའི་སྐུ་གསུང་ཐུགས་སུ་བྱིན་གྱིས་བརླབས་སོ།། དེ་ནས་ཡང་བཅོམ་ལྡན་འདས་ཀྱིས་རིན་པོ་ཆེའི་གནས་ནས། རིན་པོ་ཆེའི་འོད་ཟེར་ཀུན་ཏུ་མཉམ་པ་ཞེས་བྱ་བ་ཕྱུང་སྟེ། དཀྱིལ་འཁོར་ཐམས་ཅད་རིན་ཆེན་ཆེན
iiif viewer powered by OpenSeadragon
