| e-texts navigator |
| Wylie |
155b1 རྒྱ་ཉིད་ལ་ནི།། བྱང་ཤར་མཚམས་ཀྱི་ཡེ་ཤེས་དགུག། ཤེས་རབ་ཕྱག་རྒྱ་ཉིད་ལ་ནི།། ཤར་ལྷོའི་ཡེ་ཤེས་དགུག་པར་བྱ།། ཆགས་ནང་ཐིག་ལེའི་དབུས་སུ་ནི།། བྱང་གི་ཡེ་ཤེས་དགུག་པར་བྱ།། སྲིད་པ་དབུ་མའི
155b2 དབུས་གནས་སུ།། ལྷོ་ཡི་ཡེ་ཤེས་དགུག་པར་བྱ།། བསྐྱོད་པ་བབས་ཀྱི་ཕྱག་རྒྱ་ལ།། ནུབ་བྱང་མཚམས་ཀྱི་ཡེ་ཤེས་དགུག། བསྐྱོད་པའི་ཤེས་རབ་ཕྱག་རྒྱ་ལ།། ལྷོ་དང་ནུབ་བྱང་ཡེ་ཤེས་དགུག། གསང་བའི་སྲས་སུ
155b3 མཁས་པས་བྱ།། འོག་གི་ཡེ་ཤེས་དགུག་པར་བྱ།། ཆུང་མ་དང་ནི་བཅས་པ་ཡང་།། ཆོ་ག་གཉིས་པ་བསྡུས་པའམ།། སྤྲུལ་པའི་ཕོ་ཉ་ཐམས་ཅད་ནི།། བ་སྤུའི་བུ་ག་ཀུན་ཏུ་དགུག། སྲིང་མོ་འབར་མ་ལ་སོགས
155b4 ཀྱང་།། ཐམས་ཅད་གནས་སུ་ཡང་དག་དགུག། དེ་ནས་མཁས་པས་བརྟག་པ་ནི།། དཀྱིལ་འཁོར་གྱི་ནི་གཙོ་བོ་ནི།། ཀུན་ཏུ་ཏིང་འཛིན་རབ་གནས་པ།། རྡོ་རྗེ་ཅན་གྱི་ཆོ་ག་སྟེ།། སྤྱོད་ལམ་ཀུན་ཏུ་བརྟན་པར་བྱ།། ལྷ
155b5 ཡི་ང་རྒྱལ་རབ་གསལ་བ།། བརྗེད་པ་མེད་པའི་དྲན་པས་ནི།། འབད་པ་མེད་པའི་ཚོགས་ཆེན་ལ།། མཁས་པས་རྟག་ཏུ་བསམ་པར་བྱ།། བསྡུ་བ་གཉིས་ཀྱི་ཆོ་ག་ཡིས།། རྣལ་འབྱོར་ཆོ་ག་རྫོགས་པ་ཡིན།། གང་ཞིག
155b6 བསྡུ་བ་མི་ཤེས་ན།། ཆོ་ག་རྫོགས་པ་མ་ཡིན་ཏེ།། ལམ་གྱི་མོས་པ་དེ་ཡིས་ནི།། སངས་རྒྱས་ཡུལ་དུ་མ་བསྐུལ་བས།། རྒྱལ་བའི་སྲས་སུ་སོང་བ་མེད།། ཅེས་གསུངས་སོ།། དེ་ནས་དེའི་ཚེ་དེའི་དུས་ན། རྣལ་འབྱོར་གྱི
iiif viewer powered by OpenSeadragon
