| e-texts navigator |
| Wylie |
155a1 ལྡན་འདས་བདག་གི་དོན་ཕྲན་གསུམ་ཚོགས་པ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས། འདི་སྐད་ཅེས་གསུངས་སོ།། རྣལ་འབྱོར་གྱི་ནི་ཆོ་ག་ལ།། མཁས་པས་མཐའ་མའི་དོན་བསྟན
155a2 བྱ།། བསྡུ་བ་དག་ཀྱང་རྣམ་གཉིས་ཏེ།། ཇི་ལྟར་སྙོམས་པའི་ཆོ་ག་དང་།། ཡེ་ཤེས་སྒྱུ་མའི་རང་བཞིན་ཏེ།། རྡོ་རྗེ་ཅན་གྱིས་ངེས་པར་བརྟག། འཇིག་རྟེན་ནམ་མཁའི་ཁམས་གནས་དང་།། སྤྲུལ་པའི་དཀྱིལ་འཁོར
155a3 བསམ་ཡས་པས།། གཙོ་བོ་ཡབ་ཡུམ་གཉིས་ཡིན་ཏེ།། གཡོན་ཀྱང་ཇི་ལྟར་གཡས་ལ་གནས།། དམ་ཚིག་སེམས་དཔའི་རང་བཞིན་ཡང་།། ཡེ་ཤེས་སེམས་དཔའི་གནས་ཡིན་ནོ།། ཇི་ལྟར་ཡེ་ཤེས་སེམས་དཔའ
155a4 ཡང་།། ཏིང་འཛིན་བརྟན་པའི་དབུས་གནས་ཡིན།། གསུང་གི་རང་བཞིན་ལ་སོགས་པའི།། དེ་ལྟར་མཐར་གྱིས་ཐིག་ལེ་ཆེ།། ཐིག་ལེ་རྣམ་པར་བརྟག་པ་ནི།། ཕྲ་ཞིང་ཞི་བའི་རང་བཞིན་བསྒོམ།། རྟོག་པ་མེད་པའི
155a5 རང་བཞིན་ནི།། མཁས་པས་འབད་པ་མེད་པར་བསམ།། སྒྱུ་མའི་ཏིང་འཛིན་མཁས་པས་ཀྱང་།། ཐ་དད་ལུས་ཀྱི་བ་སྤུ་ལ།། དཀྱིལ་འཁོར་བདག་པོའི་ཡེ་ཤེས་གཞུག། འཕྲོ་བ་དག་ཀྱང་བརྟག་པར་བྱ།། སྲིད་པའི་རྩེ
155a6 མོ་དབུས་གནས་སུ།། སྟེང་གི་ཡེ་ཤེས་དགུག་པར་བྱ།། མཛོད་སྤུ་ཡི་ནི་དབུས་གནས་སུ།། ཤར་གྱི་ཡེ་ཤེས་དགུག་པར་བྱ།། མདུན་གྱི་སྟོད་དང་དབུས་གནས་པར།། ནུབ་ཀྱི་ཡེ་ཤེས་དགུག་པར་བྱ།། ཐབས་ཀྱི་ཕྱག
iiif viewer powered by OpenSeadragon
