| e-texts navigator |
| Wylie |
154b1 གནས་པར།། ཉི་མའི་དཀྱིལ་འཁོར་ཚད་དུ་བྱ།། ཡུམ་གྱི་དཀྱིལ་འཁོར་པད་མོའི་མདོག། རྡོ་རྗེ་ཅན་གྱི་རྒྱན་གྱིས་མཛེས།། ཕྱོགས་དང་མཚམས་ཀྱི་འཁོར་ལོ་ལ།། འབར་བའི་རྒྱན་གྱིས་མཛེས་པ་སྟེ།། ཐུན་མོང་གི་ནི
154b2 ཆོ་ག་རྣམས།། ཐ་དད་དཀྱིལ་འཁོར་དྲག་པོའི་དབྱིབས།། འབར་བའི་རྒྱན་གྱི་ཆོ་ག་ནི།། ཕྱི་དང་ནང་གི་ཆོ་ག་སྟེ།། རྡོ་རྗེ་ཅན་གྱིས་བརྟག་པར་བྱ།། སེམས་ཅན་ཆེན་པོའི་ལོགས་སུ་ནི།། འབར་བའི་གདན་ཁྲི་ཡང
154b3 དག་གཞུག། རྡོ་རྗེ་ཉི་མ་དབུས་གནས་སུ།། ས་བོན་འོད་ཀྱི་རྩེ་མོར་གཞག་ཁྲག་འཐུང་ཆེན་པོའི་རང་བཞིན་ནི།། རིགས་ཀྱི་ཆོ་ག་ཇི་བཞིན་དུ།། ཐམས་ཅད་ཡུམ་དང་མཚུངས་པའི་རྒྱན།། མཁས་པས་འབར་བའི
154b4 དབུས་སུ་གཞག། གཞན་ཡང་མཁས་པས་བརྟག་པ་ནི།། དབུ་གསུམ་ཕྱག་དྲུག་ཞབས་ཀྱང་དྲུག། རྡོ་རྗེ་གཤོག་པ་ལ་སོགས་གདེངས།། རྡོ་རྗེ་བྲག་ལ་སོགས་པ་གནོན།། འབར་བའི་རྒྱན་གྱིས་རྣམ་པར
154b5 བཀླུབས།། སྲས་དང་བཙུན་མོར་བཅས་པ་ནི།། འཁོར་བའི་ཆོས་ལས་སྐྱེས་པ་སྟེ།། སེམས་ཅན་གྱི་ནི་སྲས་སུ་བྱ།། ཇི་ལྟར་སངས་རྒྱས་མཐུ་ལས་བྱུང་།། ལྷུན་གྱིས་གྲུབ་པའི་ཆོ་ག་དང་།། ཆོ་གའི་ཡན་ལག་རྫོགས་པ
154b6 ནི།། མཁས་པ་སངས་རྒྱས་སྲས་ཡིན་ནོ།། རྒྱལ་སྲས་དུ་མའི་ཚོགས་ཀྱིས་ནི།། ནམ་མཁའ་ཁེངས་པར་བྱ་བ་དང་།། དུ་མ་གཞན་གྱི་དོན་ཡིན་ཏེ།། མཁས་པའི་འཕྲོ་འདུ་ཐེག་པ་ཆེ།། ཞེས་གསུངས་སོ།། དེ་ནས་བཅོམ
iiif viewer powered by OpenSeadragon
