| e-texts navigator |
| Wylie |
154a1 ངག་རྡུལ་ཕྲན་བཞིན་དུ་རློགས། ཁྲོ་མོ་འབར་བའི་གཏུན་ཁུང་དུ།། འཁོར་ལོ་ཐོ་བས་བརྡུང་བྱས་ནས།། ལྷ་ཡང་རུང་སྟེ་བརླག་པར་འགྱུར།། ཞེས་གསུངས་པའི་མོད་ལ། གཏི་མུག་གི་ལས་ཐམས་ཅད
154a2 འཁོར་ལོ་ཆེན་པོའི་མངོན་སྤྱོད་ཀྱིས་གཏན་དུ་རྒྱུན་བཅད་པར་གྱུར་ཏོ།། དེའི་ཚེ་དེའི་དུས་ན། ཐམས་ཅད་གསང་སྔགས་ཀྱི་མཐུ་ཆེན་པོས་བྱིན་གྱིས་བརླབས་སོ།། དེ་ནས་བཅོམ་ལྡན་འདས་ཀྱིས་རིགས་ཡོངས་སུ
154a3 གཅིག་པ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས། འོད་ཟེར་གྱི་འདུ་འཕྲོ་མཛད་པས། ལ་ལ་ནི་རྡོ་རྗེའི་སྲས་ཉིད་དོ།། ལ་ལ་ནི་རིན་པོ་ཆེའི་སྲས་ཉིད་དོ།། ལ་ལ་ནི་པདྨའི་སྲས་ཉིད་དོ།། ལ་ལ་ནི་ཕྲིན
154a4 ལས་ཀྱི་སྲས་ཉིད་དོ།། ལ་ལ་ནི་འཁོར་ལོ་འབར་བའི་སྲས་ཉིད་དོ།། དེ་ནས་ཐམས་ཅད་དང་ལྡན་པའི་འཁོར་གྱིས་འདི་སྐད་ཅེས་གསོལ་ཏོ།། ཀྱེ་བདག་ཅག་གིས་ཀྱང་ཐེག་པ་ཆེན་པོ་འདི་དུས་གསུམ་དུ་གཟུང་བར
154a5 བགྱིའོ།། ཞེས་གསོལ་ནས།། ཐམས་ཅད་ཀྱིས་རྗེས་སུ་ཡི་རང་བའི་སྤོབས་པ་ཆེན་པོ་ཡོངས་སུ་བསྐྱེད་དོ།། དེ་ནས་བཅོམ་ལྡན་འདས་ཡུམ་རྡོ་རྗེ་རྣམ་པར་འཇོམས་པ་མི་བཟད་པའི་རྒྱན་བཀོད་པ་ཞེས་བྱ་བའི་ཏིང་ངེ
154a6 འཛིན་ལ་སྙོམས་པར་ཞུགས་ནས། འདི་སྐད་ཅེས་གསུངས་སོ།། རྣལ་འབྱོར་ཆེན་པོའི་དཀྱིལ་འཁོར་ནས།། རྡོ་རྗེ་འདུ་འཕྲོའི་འོད་ཟེར་གྱིས།། ཐམས་ཅད་དཀྱིལ་འཁོར་བརྟག་པར་བྱ།། བཅུ་དྲུག་ཐིག་གི་དབུས
iiif viewer powered by OpenSeadragon
