| e-texts navigator |
| Wylie |
128b1 ནས་བཅོམ་ལྡན་འདས་དགའ་བས་བསྒྲལ་བ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས། འདི་སྐད་ཅེས་གསུངས་སོ།། དགའ་བས་བསྒྲལ་བའི་དམ་ཚིག་ནི།། བསད་ཅིང་མནན་པ་མ་ཡིན་ཏེ།། ཕུང་པོ་རྡོ
128b2 རྗེས་གཏམས་བྱས་ནས།། རྣམ་པར་ཤེས་པ་རྡོ་རྗེར་བསྒོམ།། དེ་ནས་བཅོམ་ལྡན་འདས་བཏང་སྙོམས་ཀྱི་བསྒྲལ་བ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས། འདི་སྐད་ཅེས་གསུངས་སོ།། བཏང་སྙོམས
128b3 བསྒྲལ་བའི་དམ་ཚིག་ནི།། གསད་ཅིང་གནན་པ་མ་ཡིན་ཏེ།། ཕུང་པོ་རྡོ་རྗེས་གཏམས་བྱས་ནས།། རྣམ་པར་ཤེས་པ་རྡོ་རྗེར་བསྒོམ།། ཚད་མེད་སྙིང་རྗེ་སྐྱེད་པ་དང་།། བྱང་ཆུབ་སེམས་ལ་དགའ་བ་ནི།། སྔོན་དུ་འགྲོ།
128b4 བའི་ལས་ཡིན་ཏེ།། སྒྲུབ་པ་པོས་ནི་ནན་ཏན་བྱ།། དེ་ནས་དེའི་ཚེ་དེའི་དུས་ན། རྡོ་རྗེ་གཞོན་ནུའི་རིག་འཛིན་དང་།། འཁོར་ལོ་གཞོན་ནུའི་རིག་འཛིན་དང་།། རིན་ཆེན་གཞོན་ནུའི་རིག་འཛིན་དང་།། པདྨ་གཞོན་ནུའི
128b5 རིག་འཛིན་དང་།། ལས་ཀྱི་གཞོན་ནུའི་རིག་འཛིན་ལ་སོགས་པ་དུ་མའི་ཚོགས་ཀྱིས། རྡོ་རྗེའི་མིག་གིས་དེ་བཞིན་གཤེགས་པ་ལ་བལྟས་ཏེ། རྡོ་རྗེ་ཐལ་མོ་སྦྱར་ནས་འདི་སྐད་ཅེས་གསོལ་ཏོ།། དེ་ནས་རྡོ་རྗེ་གཞོན
128b6 ནུའི་རིག་འཛིན་རྣམས་ཀྱིས་འདི་སྐད་ཅེས་གསོལ་ཏོ།། སངས་རྒྱས་ཀུན་གྱི་ཡེ་ཤེས་སྐུ།། ངང་ཉིད་རྡོ་རྗེ་ཆོས་དབྱིངས་ལས།། འབར་བའི་ཁྲོ་བོ་མི་བཟད་པ།། སྐྲ་ཡི་དབྱིག་ཏུ་བདག་གྱུར་ཅིག། དེ་ནས་འཁོར་ལོ
iiif viewer powered by OpenSeadragon
