| e-texts navigator |
| Wylie |
124a1 འདས་པའི་སངས་རྒྱས་རྣམས་ཀྱིས་ཀྱང་རྒྱས་པར་མ་བཤད། མ་འོངས་པ་ན་ཡང་འཆད་པར་དཀོན་པའི་ཐེག་པ་ཆེན་པོ་འདི་བཤད་ན། སངས་རྒྱས་བཅོམ་ལྡན་འདས་རྣམས་ཀྱང་སྐྲག་པར་འགྱུར་ན།
124a2 བྱང་ཆུབ་སེམས་དཔའ་གཞན་རྣམས་དང་། འཁོར་ཕལ་པོ་ཆེ་ལྟ་ཅི་སྨོས། དེའི་ཕྱིར་ང་ནི་ངོ་མཚར་དུ་གྱུར་པའི་ཕྱིར། རྒྱལ་བ་འཁོར་དང་བཅས་པ་རྣམས་ཀྱང་ཐེ་ཚོམ་སྐྱེ་བ་དང་། དམ་པའི་ཆོས་འདི་ཉིད་ཀྱིས་གདུལ
124a3 བར་བྱ་བའི་དུས་ཀྱི་ཕྱིར་རོ།། ཞེས་གསུངས་སོ།། དེ་ནས་ཡང་དེ་བཞིན་གཤེགས་པ་འཁོར་དང་བཅས་པས་བཅོམ་ལྡན་འདས་ལ་རྡོ་རྗེ་མཆོད་པ་ཆེན་པོའི་སྤྲིན་གྱིས་ཀུན་ཏུ་མཆོད་ནས་འདི་སྐད་ཅེས་གསོལ
124a4 ཏོ།། བཅོམ་ལྡན་འདས་འདི་ནི་ལས་ཀྱི་མཆོག་གོ། འདི་ནི་དུས་ལ་བབ་པའོ།། ཐེག་པ་འདི་ནི་རྡོ་རྗེའི་ཐེག་པ་ཆེན་པོ་རྣམས་ཀྱི་མཆོག་གོ། གསང་བ་འདི་ནི་གསང་བའི་ཡང་གསང་བའོ།། ཐབས་ནི་འདི་ནི་ཐབས་ཀྱི
124a5 མཆོག་གོ། རོལ་པ་ཆེན་པོའི་ཡང་རོལ་པ་ཆེན་པོ་སྟེ། བདག་ཅག་ཀྱང་ངོ་མཚར་དུ་གྱུར་པ་དང་། རྨད་དུ་གྱུར་པ་དང་། ཐེ་ཚོམ་ཐམས་ཅད་དགུམ་པའི་སླད་ཉིད་དུ་སྤྲོ་བར་མཆི་སྟེ། བཅོམ་ལྡན་འདས་ཀྱིས་དེ་ཡོངས
124a6 སུ་བཤད་དུ་གསོལ། ཞེས་ལན་གཉིས་ལན་གསུམ་དུ་བཤད་པར་གསོལ་བ་བཏབ་བོ།། དེ་ནས་བཅོམ་ལྡན་འདས་དེ་བཞིན་གཤེགས་པ་ཐམས་ཅད་ཀྱི་སྐུ་དང་གསུང་དང་ཐུགས་ཀྱི་བདག་པོ། དཔལ་རྡོ་རྗེ་འཇིགས
iiif viewer powered by OpenSeadragon
