| e-texts navigator |
| Wylie |
122b1 ལྡན་འདས་དཔལ་རྡོ་རྗེ་འཇིགས་བྱེད་ཀྱི་དབང་ཕྱུག་ཆེན་པོ། དེ་བཞིན་གཤེགས་པ་ཐམས་ཅད་ཀྱི་སྐུ་དང་གསུང་དང་ཐུགས་རྡོ་རྗེའི་རང་བཞིན་ཡུམ་གྱི་བྷ་ག་ལ། བརྗོད་ཀྱིས་ཀྱང་མི་ལང་བའི་ཡང་ཤིན་ཏུ་བརྗོད
122b2 ཀྱིས་ཀྱང་མི་ལང་བའི་རྒྱལ་བ་ཞིང་གི་རྡུལ་ཕྲ་མོ་སྙེད་ཀྱི་སངས་རྒྱས་དང་འཁོར་གྱི་ཚོགས་སྲས་དང་བཅས་པ་དང་ཐབས་ཅིག་ཏུ་རྒྱལ་བ་མཐར་ཕྱིན་པའི་བཞུགས་ཡུལ། པདྨ་ཆེན་པོའི་རྣམ་པར་ཐར་པའི་དབྱིངས་ན
122b3 བཞུགས་པ་ལ་འདི་ལྟ་སྟེ། དེ་བཞིན་གཤེགས་པ་ཞེ་སྡང་རྡོ་རྗེ་རྣམ་པར་རོལ་པ་དང་། དེ་བཞིན་གཤེགས་པ་གཏི་མུག་རྡོ་རྗེ་རྣམ་པར་རོལ་པ་དང་། དེ་བཞིན་གཤེགས་པ་ང་རྒྱལ་རྡོ་རྗེ་རྣམ་པར་རོལ་པ་དང་། དེ
122b4 བཞིན་གཤེགས་པ་འདོད་ཆགས་རྡོ་རྗེ་རྣམ་པར་རོལ་པ་དང་། དེ་བཞིན་གཤེགས་པ་ཕྲག་དོག་རྡོ་རྗེ་རྣམ་པར་རོལ་པ་དང་། དེ་དག་ལ་སོགས་པ་ནམ་མཁའ་དང་མཉམ་པའི་དེ་བཞིན་གཤེགས་པ་མ་ལུས་པ་རྣམས
122b5 དང་ཐབས་ཅིག་ཏུ་བཞུགས་པ་ནི། འདི་ལྟ་སྟེ། དཔེར་ན་ཏིལ་གྱི་གོང་དུ་བཞིན་དུ་སངས་རྒྱས་ཐམས་ཅད་ཀྱིས་མཁའ་དབྱིངས་ཡོངས་སུ་གཏམས་པར་གྱུར་ཏོ།། སངས་རྒྱས་ཀྱི་ཞིང་གི་རྡུལ་ཕྲ་མོ་སྙེད་ཀྱི་སྲས་དང
122b6 འཁོར་ཚོགས་དུ་མ་དང་ཐབས་ཅིག་ཏུ་ཞུགས་པ་ནི་འདི་ལྟ་སྟེ། རྒྱལ་སྲས་ཆེའི་རྡོ་རྗེ་རྣམ་པར་རོལ་པ་དང་། རྒྱལ་སྲས་ལོངས་སྤྱོད་རྡོ་རྗེ་རྣམ་པར་རོལ་པ་དང་། རྒྱལ་སྲས་ཚངས་པར་སྤྱོད་པ་ཆེན་པོའི་རྡོ་རྗེ་རྣམ་པར
iiif viewer powered by OpenSeadragon
