| e-texts navigator |
| Wylie |
122a1 བར་འགྱུར།། གསང་སྔགས་རྒྱུད་འདི་དག་ལ་ཡང་། རྣལ་འབྱོར་གང་ཞིག་དད་མོས་པ།། འཇིག་རྟེན་འདི་ཡི་ཡོན་ཏན་ཡང་།། ཡིད་བཞིན་ནོར་བུ་འབར་བ་བཞིན།། འཇིག་རྟེན་ཕྱི་མའི་དངོས་གྲུབ
122a2 ཀྱང་།། སྐུ་གསུང་ཐུགས་ཀྱི་དངོས་གྲུབ་ཐོབ།། ཐར་པ་བདེ་བའི་འབྲས་བུ་ཡིན།། རིག་འཛིན་ས་ལ་གདོན་མི་ཟ།། སྐྱེ་འགག་མེད་པའི་དངོས་གྲུབ་ཀྱིས།། མི་འགྱུར་རྡོ་རྗེའི་དངོས་གྲུབ་ཐོབ།། དམ་ཚིག་གཙང་མས
122a3 རྙེད་པར་འགྱུར།། འགྲོ་བའི་དོན་ལ་དགའ་བ་དང་།། ཐེག་པ་ཆེན་པོ་ལྷུར་ལེན་ཅིང་།། རྡོ་རྗེ་སློབ་དཔོན་མཆོད་བྱེད་པ།། དེ་ནི་དམ་ཚིག་མཆོག་ཏུ་གསུང་།། སྙིང་རྗེའི་སེམས་དང་འབྲལ་མི་བྱ།། དེ་བཞིན་གཤེགས
122a4 པ་ཐམས་ཅད་ཀྱི་སྐུ་གསུང་ཐུགས་རྡོ་རྗེ་བཀོད་པའི་རྒྱུད་ལས། རྗེས་སུ་གདམས་པའི་ལེའུ་སྟེ་བཅོ་ལྔ་པའོ།། །། ཕུར་པ་རྡོ་རྗེ་བཀོད་པ་རྣལ་འབྱོར་ཆེན་པོའི་རྒྱུད་ཅེས་བྱ་བ་རྫོགས་སོ།། རྒྱ་གར་གྱི་མཁན་པོ
122a5 པདྨ་ཐོད་ཕྲེང་རྩལ་དང་། ལོ་ཙཱ་བ་དཔལ་གྱི་ཡེ་ཤེས་ཀྱིས་བསྐུར་ཏེ། མངའ་བདག་ཁྲི་སྲོང་ལྡེའུ་བཙན་གྱི་ཐུགས་དམ་དུ་བཞག་པའོ།། །། @#།། རྒྱ་གར་སྐད་དུ། ཨཱརྱ་སརྦ་བུདྡྷ་ཛྙཱ་ན་ཤི་ཁ་ར
122a6 མ་ཧཱ་ཏནྟ་རཱ་ཛ། བོད་སྐད་དུ། འཕགས་པ་སངས་རྒྱས་ཐམས་ཅད་ཀྱི་ཡེ་ཤེས་ཀྱི་རྩེ་མོའི་རྒྱུད་ཀྱི་རྒྱལ་པོ་ཆེན་པོ། དཔལ་རྡོ་རྗེ་སེམས་དཔའ་ལ་ཕྱག་འཚལ་ལོ།། འདི་སྐད་བདག་གིས་ཐོས་པ་དུས་གཅིག་ན། བཅོམ
iiif viewer powered by OpenSeadragon
