| e-texts navigator |
| Wylie |
121b1 དང་ནི་དམ་ཚིག་གིས།། ཚུར་གཤེགས་ཚུར་གཤེགས་ཧེ་རུ་ཀ། བསྲེག་ལང་མེ་ཡི་གཞལ་ཡས་སུ།། འགྲོ་བའི་དོན་དུ་སྤྱན་འདྲེན་ན།། སྦྱིན་གྱིས་རློབ་ཕྱིར་གཤེགས་སུ་གསོལ།། ཛཿཧཱུཾ་བཾ་ཧོཿོཾ་བཛྲ་ཀཱི་ལི་ཀི་ལ་ཡ
121b2 སརྦ་བིགྷྣཱན་བཾ་ཧཱུཾ་ཕཊ་ཕཊ་ཨཱ་གཙྪ་ཨཱ་གཙྪ་ཡ་པྲ་བེ་ཤ་ཡ་པྲ་བེ་ཤ་ཡ་ཏོ་ཤ་ཡ་ཏོ་ཤ་ཡ་བཛྲ་ཊ་ཀི་ནི་ཧཱུཾ་ཕཊ་ཅེས་སྤྱན་དྲངས་སོ།། ཨེ་བཾ་མཱ་ཡཱ། ཞི་བ་དང་། རྒྱས་པ་དང་། དབང་དང་། མངོན་སྤྱོད་དོ།། དེ་བཞིན
121b3 གཤེགས་པ་ཐམས་ཅད་ཀྱི་སྐུ་གསུང་ཐུགས་རྡོ་རྗེ་བཀོད་པའི་རྒྱུད་ལས། དྲག་པོ་སྦྱིན་སྲེག་གི་ལེའུ་སྟེ་བཅུ་བཞི་པའོ།། །། དེ་ནས་བཅོམ་ལྡན་འདས་འཇིགས་བྱེད་ཀྱི་རྒྱལ་པོ་ཞེ་སྡང་རྡོ་རྗེས་བཀའ་སྩལ་པ། ངས
121b4 གསུངས་པ་ཡི་རྒྱུད་འདི་ལ།། རྣལ་འབྱོར་གང་ཞིག་དད་མོས་པ།། དངོས་གྲུབ་ཆེན་པོ་རྙེད་ནས་ཀྱང་།། རིག་འཛིན་རྒྱལ་པོའི་ས་ཐོབ་ནས།། བཅུ་གཅིག་ཀུན་དུ་འོད་ལ་བགྲོད།། ངས་གསུངས་པ་ཡི་རྒྱུད་འདི
121b5 ལ།། གང་ཞིག་སྐུར་པ་འདེབས་པ་དེ།། དུས་མིན་པར་ནི་ཚེ་ཟད་ནས།། རཱ་ཏྲ་ནག་པར་སྐྱེར་བར་འགྱུར།། རྡོ་རྗེ་དམྱལ་བར་ལྟུང་ནས་ཀྱང་།། ཐར་པའི་དུས་མེད་འོ་འདོད་འབོད།། སླན་ཆད་སྡོམ་ཞེས་སྨྲས་པར
121b6 བྱེད།། རྡོ་རྗེ་བཀོད་པའི་རྒྱུད་འདི་ལ།། མི་དད་སྤོང་བའི་སེམས་ཅན་དེ།། གཤིན་རྗེའི་ཞགས་པས་བཟུང་ནས་ཀྱང་།། གདུད་ཀྱིས་ཁྲམ་ལ་བཏབ་ནས་ནི།། སྒྲོ་འབོག་ནད་དང་བརྒྱལ་བ་དང་། ཁྲག་གི་ནད་ཀྱིས་འཆི
iiif viewer powered by OpenSeadragon
