| e-texts navigator |
| Wylie |
120b1 དཀྱིལ་འཁོར་གསལ་བཀོད་དེ།། རྔམ་གསུམ་ཚུལ་དུ་ནན་ཏན་བྱ།། ཧ་ཅང་སྦོམ་མིན་ཕྲ་བ་མིན།། རིང་པ་མ་ཡིན་ཐུང་བ་མིན།། སྨིན་མཚམས་རིང་ཞིང་ཤ་མདོག་དཀར།། སྨེ་བའི་ག་ཤ་ཡོད་པ་དང་།། སུམ་ཅུ་རྩ
120b2 གཉིས་མཚན་དང་ལྡན།། དཔེ་བྱད་བཟང་པོ་བརྒྱད་ཅུས་བརྒྱན།། སྤྱི་བོར་ཨོཾ་ལ་སྙིང་གར་ཧཱུཾ།། མཚན་མར་ཨ་སྟེ་རྣམ་གསུམ་བཀོད།། རྣམ་གསུམ་ཚུལ་དུ་སྦྱོར་བ་བྱ།། དང་པོ་དགའ་དང་མཆོག་ཏུ
120b3 དགའ།། རང་བཞིན་དགའ་དང་དགའ་བྲལ་ལོ།། བྱང་ཆུབ་སེམས་དཔའ་སློབ་མ་ལ།། ཚུལ་བཞིན་ཡིད་ཀྱིས་བསྐུར་བར་བྱ།། དེ་ལྟར་སྐུར་བྱེད་སློབ་དཔོན་ལ།། རང་ལུས་སྲོག་དང་ནོར་གྱི་དབྱིག། མ་དང་སྲིང་མོ་བུ
120b4 མོ་དང་།། ཆུང་མ་རབ་ཏུ་བརྒྱན་ཏེ་འབུལ།། ཤིན་ཏུ་མཛེས་དང་ཡིད་མཐུན་འབུལ།། རྟ་དང་གླང་པོ་ནོར་གྱི་དབྱིག། ཡུལ་རིས་གཉེན་བྲན་བཅས་པ་ཕུལ།། དེ་ལྟར་འབུལ་བྱེད་སློབ་མ་ལ།། ཕྱི་དང་ནང་དང་གསང་བ
120b5 དང་།། རིམ་པ་བཞིན་དུ་བསྐུར་བར་བྱ།། དེ་བཞིན་གཤེགས་པ་ཐམས་ཅད་ཀྱི་སྐུ་དང་གསུང་ཐུགས་རྡོ་རྗེ་བཀོད་པའི་རྒྱུད་ལས་དབང་བསྐུར་བའི་ལེའུ་སྟེ་བཅུ་གསུམ་པའོ།། །། དེ་ནས་བཅོམ་ལྡན་འདས
120b6 འཇིགས་བྱེད་ཀྱི་རྒྱལ་པོ་ཞེ་སྡང་རྡོ་རྗེས། དྲག་པོའི་སྦྱིན་སྲེག་གི་ཏིང་ངེ་འཛིན་ལ་སྙོམས་པར་ཞུགས་ཏེ། འདི་གསུངས་སོ།། དེ་ནས་དཀྱིལ་འཁོར་བྱ་བ་ནི།། གྲུ་བཞི་ཆ་ནི་མཉམ་པ་ལ།། དབུས་སུ་གྲུ་གསུམ་གྲུ་གང
iiif viewer powered by OpenSeadragon
