| e-texts navigator |
| Wylie |
120a1 བཟང་ལ་སོགས།། དེ་ལྟར་རྟགས་ནི་བྱུང་བ་དང་།། སྒྲུབ་པ་པོ་ནི་མ་ལུས་པས།། གསལ་བ་རྣམ་གསུམ་དག་དང་ནི།། བདེན་པ་བདར་ཞིང་ཡང་དང་ཡང་།། གནད་བདུན་དག་ཏུ་གདབ་བྱ་ལ། ཁྲོ་བོ
120a2 བཅུ་ཡི་སྔགས་བརྗོད་ཅིང་།། གང་ལ་དམིགས་པའི་ངོ་བོ་ལ།། གཟིར་གནན་བརླག་པའི་ལས་རྣམས་བྱ།། བྱིན་ཆུང་སྙིང་ནི་མི་དགའ་ན།། སྤྲོག་པའི་ཆོ་ག་གཞུང་བཞིན་བྱ།། ལྷ་རྣམས་མཉེས་པར་བྱ་བ་དང་།། ལས
120a3 ཀྱི་ལྷག་ཆད་བསྐང་བ་དང་།། ཡུན་གྱི་སྒྲིབ་པ་སྦྱང་བའི་ཕྱིར།། མཐོལ་བཤགས་ལ་སོགས་འབད་ལ་བྱ།། གཟུགས་ནི་དུམ་བུ་གསུམ་དག་ཏུ།། རྣོན་པོའི་མཚོན་གྱི་གཏུབས་ནས་ཀྱང་།། གཏོར་མ་གཏང་ཞིང་ཧོམ་དུ
120a4 བསྲེག། དེ་ནས་གཏོར་མ་ལ་སོགས་བཏང་།། དཀྱིལ་འཁོར་དག་ནི་བསྡུ་བྱ་ཞིང་།། དངོས་གྲུབ་དག་ཀྱང་བླང་བར་བྱ།། བགེགས་ཀྱིས་མི་ཚུགས་བྱ་བའི་ཕྱིར།། རྡོ་རྗེའི་གོ་ཆ་བགོ་བར་བྱ།། སྙིང་རྗེའི་སེམས་དང
120a5 འབྲལ་མི་བྱ།། དེ་བཞིན་གཤེགས་པ་ཐམས་ཅད་ཀྱི།། སྐུ་གསུང་ཐུགས་རྡོ་རྗེ་བཀོད་པའི་རྒྱལ་པོའི་རྒྱུད་ལས། དྲག་པོ་བསྒྲལ་བའི་ལེའུ་སྟེ་བཅུ་གཉིས་པའོ།། །། དེ་ནས་བཅོམ་ལྡན་འདས་འཇིགས་བྱེད་ཀྱི
120a6 རྒྱལ་པོ་ཞེ་སྡང་རྡོ་རྗེས། དབང་བསྐུར་བའི་ཏིང་ངེ་འཛིན་ལ་སྙོམས་པར་ཞུགས་ནས། འདི་གསུངས་སོ།། སྨེ་ཤ་ཅན་ལ་སོགས་པ་ཡི།། བཅུ་གཉིས་དང་ནི་བཅོ་བརྒྱད་དང་།། ཡང་ན་ཉི་ཤུ་རྩ་གཅིག་ལ།། ཕྱག་རྒྱའི
iiif viewer powered by OpenSeadragon
