| e-texts navigator |
| Wylie |
119b1 སྔགས་ཀྱི་ལེའུ་སྟེ་བཅུ་གཅིག་པའོ།། །། དེ་ནས་བཅོམ་ལྡན་འདས་འཇིགས་བྱེད་རྒྱལ་པོ་ཞེ་སྡང་རྡོ་རྗེས་དྲག་པོའི་ཕྲིན་ལས་འདི་གསུངས་སོ།། བླ་མེད་སྒྲུབ་པའི་རྣལ་འབྱོར་ལ།། དགེ་སྦྱོང་འབྲས་བུ་འཕེལ་བྱ
119b2 ན།། ཤིན་ཏུ་གདུག་པ་ཚར་བཅད་ཕྱིར།། དྲག་པོའི་ཕྲིན་ལས་རབ་ཏུ་བརྩམས།། ཐོག་མར་གནས་ནི་བཙལ་བྱ་ཞིང་།། ཕྱི་ཡི་གཏོར་མ་གཞུང་བཞིན་བཤམ།། ཕྱོགས་སྐྱོང་ལ་སོགས་སྲུང་མ་ལ།། དམ་ཚིག་བཞིན་དུ
119b3 ཕྲིན་ལས་བཅོལ།། དེ་ནས་ནང་དུ་མཚམས་གཅོད་ཕྱིར།། དཀྱིལ་འཁོར་མཐིང་ནག་བྲི་བར་བྱ།། ཟླ་གམ་རྡོ་རྗེ་བྲག་ལ་སོགས།། ཐོད་སྐམ་སྒོ་ཁྱུད་གཞུང་བཞིན་བྱ།། དེ་ནས་རྫས་རྣམས་བསག་བྱ་སྟེ།། ཕུར་བུ་དང
119b4 ནི་ཉུང་ཀར་དང་།། ཞིང་རས་གཏོར་མ་ལ་སོགས་པ།། ཤེས་རབ་ཅན་གྱིས་བསགས་པའི་རྫས།། དཀྱིལ་འཁོར་དེ་དག་བསྐོར་ཏེ་བཞག། དེ་ནས་ལས་གོས་རྣམས་བྱས་ཏེ།། ཚད་དང་ལྡན་པའི་རྣལ་འབྱོར།
119b5 པས།། ཕུར་པ་བྱིན་གྱིས་བརླབ་བྱ་ཞིང་།། དེ་ནས་ཏིང་འཛིན་གསལ་བ་ལས།། སྤྱན་དྲང་བསྐྱེད་དང་གཉིས་མེད་བསྟིམ།། ཕྱི་ནང་མཆོད་པ་རིམ་བཞིན་འབུལ།། དེ་ནས་སྒྲུབ་པ་གསལ་བར་བསྒོམ།། དེ་ནས་བསྙེན
119b6 པ་གསུམ་བྱ་སྟེ།། ནམ་གྱི་གུང་དང་ཉི་མའི་གུང་།། ཕོ་ཉ་བཀའ་སྡོད་འབངས་ཀྱི་ཚུལ།། བཀྱེ་ཞིང་གཟུགས་ལ་བསྟིམས་བྱས་ཏེ།། དེ་ཡི་རྟགས་དང་མཚན་མ་ནི།། འོད་དང་འཕྲོ་དང་འབར་བ་དང་།། ཐ་མ་རྨི་ལམ
iiif viewer powered by OpenSeadragon
