| e-texts navigator |
| Wylie |
117a1 ལ་སོགས་པ། ཉོན་མོངས་པའི་ཁ་ལོག་པར་བལྟས་པའི་སེམས་ཅན་དེ་དག་ཐམས་ཅད་བསྒྲལ་ཞིང་རྩད་བཅད་དོ།། སླར་དེ་དག་ཐམས་ཅད་ཡུམ་གྱི་བྷ་ག་ལ་བསྡུས་ཏེ། འོད་ཕྱོགས་བཅུར་འཕྲོས་པས།།
117a2 དེས་ཕྱོགས་བཅུའི་དྲེགས་པ་ཅན་ཐམས་ཅད་བསྒྲལ་ཏེ། དེའི་སྟེང་དུ་ཁྲོ་བོའི་དཀྱིལ་འཁོར་འཐོན་ཏེ། ཤར་ཕྱོགས་སུ་ཁྲོ་བོ་རྣམ་པར་རྒྱལ་བ་དང་། ཡུམ་མདའ་བསྙེམས་མ་གཉིས་སུ་གྱུར་ཏེ། དབུ་གསུམ་ཕྱག་དྲུག
117a3 པ་ཞབས་བཞི་དང་ལྡན་པའོ།། དུར་ཁྲོད་ཆས་ཀྱིས་བརྒྱན་པ། བརྒྱ་བྱིན་གྱི་གདན་ལ་བརྐྱང་བསྐུམ་དུ་བཞུགས་པའོ།། ལྷོ་ཕྱོགས་སུ་ཁྲོ་བོ་གཤིན་རྗེའི་གཤེད་པོ་དང་། ཡུམ་དུར་ཁྲོད་ཀྱི་བདག་མོ་གཉིས་སུ་གྱུར་ཏེ།
117a4 དབུ་གསུམ་ཕྱག་དྲུག་པའོ།། ཞབས་བཞི་དང་ལྡན་པ། སྐུ་ལ་དུར་ཁྲོད་ཆས་ཀྱིས་བརྒྱན་པའོ།། ནུབ་ཏུ་ཁྲོ་བོ་རྟ་མཆོག་དཔལ་དང་། ཡུམ་རྡོ་རྗེ་གཏུམ་མོ་གཉིས་སུ་གྱུར་ཏེ། དབུ་གསུམ་ཕྱག་དྲུག་པ། ཞབས་རྣམ་པ
117a5 བཞི་དང་ལྡན་པའོ།། སྐུ་ལ་དུར་ཁྲོད་ཆས་ཀྱིས་བརྒྱན་པའོ།། བྱང་དུ་ཁྲོ་བོ་བདུད་རྩི་འཁྱིལ་པ་དང་། ཡུམ་རྡོ་རྗེ་རླུང་འབྱིན་མ་གཉིས་སུ་གྱུར་ཏེ། དབུ་གསུམ་ཕྱག་དྲུག་པ། ཞབས་རྣམ་པ་བཞི་དང་ལྡན་པའོ།། སྐུ་ལ
117a6 དུར་ཁྲོད་ཆས་བརྒྱད་ཀྱིས་བརྒྱན་པའོ།། ཤར་ལྷོར་ཁྲོ་བོ་དབྱུག་པ་སྔོན་པོ་དང་། ཡུམ་རྡོ་རྗེ་སྡེར་མོ་གཉིས་སུ་གྱུར་ཏེ། དབུ་གསུམ་ཕྱག་དྲུག་པ། ཞབས་རྣམ་པ་བཞི་དང་ལྡན་པའོ།། སྐུ་ལ་དུར་ཁྲོད་ཆས་ཀྱིས་བརྒྱན
iiif viewer powered by OpenSeadragon
