| e-texts navigator |
| Wylie |
116b1 སོ།། ཐུགས་རྗེ་ཆགས་པས་ཁྲག་གི་རྒྱ་མཚོ་ལ་གསོལ་པའོ།། ཡུམ་འཁོར་ལོ་རྒྱས་འདེབས་མ།། ཞལ་གཅིག་ཕྱག་གཉིས་མ། གཡས་ཡབ་ཀྱི་མགུལ་ནས་འཁྱུད་པ། གཡོན་བྷན་དྷ་རཀྟས་བཀང་བ། ཡབ་ཀྱི་ཞལ་དུ
116b2 སྟོབ་པ། སྐུ་ལ་དུར་ཁྲོད་ཀྱིས་བརྒྱན་པ། དོ་ཤལ་དང་། དཔུང་རྒྱན་དང་། མགུར་ཆུ་དང་། སྙན་ཆ་དང་། སེ་མོ་དོས་བརྒྱན་ཏེ། ཐབས་དང་ཤེས་རབ་གཉིས་སུ་མེད་པར་བཞུགས་སོ།། དེ་བཞིན་གཤེགས་པ་ཐམས
116b3 ཅད་ཀྱི་སྐུ་གསུང་ཐུགས་ཡོན་ཏན་རྡོ་རྗེ་བཀོད་པའི་རྒྱུད་ལས། རིགས་ཀྱི་ཁྲོ་བོའི་ལེའུ་སྟེ་དགུ་པའོ།། །། དེ་ནས་བཅོམ་ལྡན་འདས་འཇིགས་བྱེད་ཀྱི་རྒྱལ་པོ། ཞེ་སྡང་རྡོ་རྗེས་ཆགས་པའི་ཏིང་ངེ་འཛིན་ལ་སྙོམས
116b4 པར་ཞུགས་ཏེ་ཡབ་ཡུམ་གཉིས་སུ་མེད་པར་ཆགས་པའི་དོན་ལ་བསྐུལ་ཏེ། ཡབ་ཀྱིས་བསྐུལ་བ་ས་མ་ཡ་ཧོ། ཡུམ་གྱིས་བསྐུལ་བ་ས་མ་ཡ་སྟྭཾ་རཱ་གོ&་ཧཾ། རཱ་ག་ཡཱ་མི། ཡབ་ཡུམ་གཉིས་སུ་མེད་པར་གྱུར་ཏེ། པདྨ་ཡོ་གཱི
116b5 ས་མ་ཡ་པྲ་བེ་ཤ་ཡ་ཕཊ། ཡབ་ཀྱི་བྱང་ཆུབ་སེམས་ཡུམ་གྱི་མཁར་བབས་ཏེ། ཡུམ་ཡང་བྱང་ཆུབ་སེམས་ཀྱི་རང་བཞིན་དུ་གྱུར་ཏེ། ལན་གཅིག་འཕྲོས་པས་ཁྲོ་བོ་འཆོལ་བའི་རང་བཞིན་དུ་གྱུར་ཏོ།། ཧཱུཾ་ཧཱུཾ་ཧཱུཾ་བི་ཤྭ་ཀྲོ།
116b6 དྷ་ཛ་ལ་མཎྜལ་ཧ་ལ་ཧ་ལ་ཧཱུཾ་ཕཊ། ཅེས་བརྗོད་པས་སྟོང་གསུམ་གྱི་སྟོང་ཆེན་པོ་འཇིག་རྟེན་གྱི་ཁམས་ལྷག་གིས་ཁེངས་པར་གྱུར་ཏོ།། དུར་ཁྲོད་ཀྱི་བདག་པོ་མ་ཏྲཾ་ཀ་རཱ་ཏྲ་དང་། ཨ་ཀར་ཤ་རཱ་ཏྲ། ཁ་ཏྲང་ཀ་རུ་ཏྲ་རུ་ཏྲ
iiif viewer powered by OpenSeadragon
