| e-texts navigator |
| Wylie |
116a1 བསྐྱོད་སྤྱན་ཟློག་མ་སྟག་རྩཝརྩ་འཕྲོ།། ཞལ་གདངས་མཆ་གཅགས་དུག་གསུམ་ཞལ་དུ་རྔུབས།། མངག་པའི་ཕ་ཅ་འགུག་བྱེད་གློག་སྟོང་འགྱུ།། ཕྲིན་ལས་རྣམ་བཞིས་ལོག་པའི་དགྲ་བགགས
116a2 འཇོམས།། སྤྲུལ་པའི་ཕོ་ཉས་བདུད་དཔུང་ཟིལ་གྱིས་མནོན།། དྲག་པོའི་ཕྲིན་ལས་ལྷུན་གྱིས་གྲུབ་པར་མཛོད།། དེ་ནས་འཇིགས་བྱེད་ཀྱི་རྒྱལ་པོ་དཔལ་རྡོ་རྗེ་གཞོན་ནུ། དབུ་གསུམ་པ་ལ་ཕྱག་དྲུག་པ། ཞབས་རྣམ་པ
116a3 བཞིར་ལྡན་པ། གཡས་ལྡང་ནག། གཡོན་དམར་ནག། དབུས་མཐིང་ནག་ཏུ་བཞུགས་པ། གཡས་དང་པོ་ན་རྡོ་རྗེ་རྩེ་དགུ་བསྣམས་པ། གཡོན་དང་པོ་ན་མེ་དཔུང་འབར་བ་བསྣམས་པ། གཡས་བར་མ་ན་རྡོ་རྗེ་རྩེ་ལྔ
116a4 པ་དང་སྟ་རེ་དང་ཐོ་བ་ཐོགས་པ། གཡོན་བར་མ་ན་ཁ་ཊྭཱཾ་དང་ཐོད་དབྱུག་དང་ལྕགས་ཀྱུའོ།། གཡས་ཐ་མ་ན་ཕུར་པ། གཡོན་ཐ་མ་ན་རྦོད་གཏོང་ཕྲ་མེན་གྱི་ཚོགས་རྣམས་ཏེ། བྱ་རྒོད་དང་། ཁྱུང་དང་། འུག་པ་དང་།
116a5 ཕོ་རོག་དང་། ཕྲ་བསྣམས་པའོ།། ཞབས་བཞི་ལ་གཉིས་བརྐྱང་གཉིས་བསྐུམ་སྟེ། དོར་སྟབས་སུ་བཞུགས་སོ།། སྐུ་ལ་བསྐལ་པའི་མེ་རི་དང་། གླང་པོ་ཆེའི་ཀོ་རློན་དང་། སྟག་གི་ཤམ་ཐབས་དང་། ཞིང་ཆེན་གྱི
116a6 པགས་པ་དང་། ཐལ་བའི་ཚོམ་བུ་དང་། ཞག་གི་ཟོ་རིས་དང་། ཁྲག་གི་ཐིག་ལེའོ།། སྦྲུལ་རིགས་ལྔས་བརྒྱན་ཏེ། རྒྱལ་རིགས་དང་། རྗེ་རིགས་དང་། བྲམ་ཟེའི་རིགས་དང་དམངས་རིགས་དང་། གདོལ་པའི་རིགས
iiif viewer powered by OpenSeadragon
