| e-texts navigator |
| Wylie |
115b1 པར་མཛད་དེ། འདོད་ཆགས་ཅན་ཐམས་ཅད་པདྨའི་རིགས་སུ་སངས་རྒྱས་པར་གྱུར་ཏོ།། བྱང་གྲུབ་བཞི་གདེངས་པའི་དཀྱིལ་འཁོར་ནས། ལས་ཀྱི་རིགས་ཀྱི་ཁྲོ་བོ་ཐམས་ཅད་སྐུ་མདོག་ལྡང་ནག་ཞལ་གསུམ་ཕྱག
115b2 དྲུག་པ། སྐུ་སྨད་དྲག་པོའི་རང་བཞིན་ཕུར་པ་ཟུར་གསུམ་པར་གནས་པ། ཞལ་ནས་ཕུར་པ་འཛབ་ཟློས་ཤིང་། ཀཱི་ལ་ཡ་ལྗང་ནག་ཏུ་འཕྲོས་ཏེ། ཕྲག་དོག་གིས་ཉེན་པའི་སེམས་ཅན་ཐམས་ཅད་རྩད་བཅད་སྟེ། ཕྲག
115b3 དོག་གི་གནས་སྟོང་ཏེ། ཕྲག་དོག་ཅན་ཐམས་ཅད་ལས་ཀྱི་རིགས་སུ་སངས་རྒྱས་པར་གྱུར་ཏོ།། སྐུ་གསུང་ཐུགས་ཡོན་ཏན་ཕྲིན་ལས་ལྔའི་རང་བཞིན་དུ་གྱུར་ཏོ།། ཧཱུཾ་རཀྟའི་རྒྱ་མཚོ་ཆེན་པོ་འཁྱིལ་པ་ནས།། ཀེང་རུས
115b4 རི་རབ་ཆེན་པོ་བརྩེགས་པའི་སྟེང་།། རྡོ་རྗེ་བྲག་ཆེན་གཏམས་པའི་ས་བཞི་ལ།། དུར་ཁྲོད་ཆེན་པོ་འབར་བའི་གཞལ་ཡས་ཁང་།། སུས་ཀྱང་མ་བྱས་ཡེ་ནས་ཚད་ལས་འདས།། བསྐལ་པ་མེ་ལྟར་འབར་བའི་དཀྱིལ
115b5 འཁོར་ནས།། དྲེགས་པ་ལྷ་ཆེན་བསྣོལ་བའི་ཁྲི་སྟེངས་སུ།། ཉི་ཟླའི་གདན་བཤམས་པདྨ་གེ་སར་བཅས།། འཇིགས་བྱེད་དཔལ་ཆེན་ཚོགས་བཅས་བཞུགས་པ་ནི།། ཡེ་ཤེས་ཚད་མེད་སྤྲུལ་པའི་ཐབས་མངའ
115b6 བས།། གང་མོས་གང་ལ་དེ་བཞིན་སྐུར་སྣང་ཞིང་།། ཅི་ལ་ཅིས་འདུལ་དེ་བཞིན་ཆ་ལུགས་སྟོན།། ཐུགས་མཚན་སྣ་ཚོགས་མཚོན་ཆའི་ཆར་འབེབས་ཤིང་།། གསུང་གི་ཀཱི་ལ་ཡ་ཡི་སྒྲ་སྒྲོགས་འབྲུག་སྟོང་ལྡིར།། རྫི
iiif viewer powered by OpenSeadragon
