| e-texts navigator |
| Wylie |
114b1 བྱ།། གཟུང་འཛིན་འགགས་པས་ཤེས་རབ་གསལ།། ཉི་མའི་འོད་ཟེར་ཚུལ་ལྟ་བུར།། དེ་ནི་ཕུར་བུ་བྱང་ཆུབ་སེམས།། ཨ་ནི་རང་བཞིན་དགག་འགྱུར་ཏེ།། ཨ་ཚུལ་མི་དམིགས་ནམ་མཁའ་སྟེ།། རང་བཞིན་གསལ
114b2 ལ་རྟོག་པ་མེད།། གཟུང་འཛིན་ཤེས་ཀྱིས་འགགས་གྱུར་ན།། གཞས་ཡས་བྱང་ཆུབ་སེམས་ཞེས་བྱ།། གཞལ་ཡས་ཕུར་པ་བདག་གིས་ནི།། བྱང་ཆུབ་སེམས་ནི་སླུ་བཅས་པའི།། གཉིད་ལོག་སད་པ་ཅི་བཞིན་དུ།། ཡེ
114b3 ཤེས་རང་བཞིན་སྐུར་གྲུབ་པའི།། ལོངས་སྤྱོད་རྫོགས་སྐུར་འགྱུར་ཞེས་བྱ།། ཡེ་ཤེས་རླུང་སྟེ་རླུང་འོད་ཟེར།། སྣང་བ་འོད་ཀྱི་དཀྱིལ་འཁོར་ཏེ།། གཞལ་ཡས་སྦྲུལ་ཡང་དེས་འགྲུབ་སྟེ།། ཡེ་ཤེས་པ་དང་རྡོ་རྗེ
114b4 འཛིན།། བཅུ་གསུམ་བགྲོད་པ་དེ་ཡིན་ཏེ།། དེ་ལས་སྤྲུལ་པ་རིམ་བཞིན་བཀྱེ།། དེ་བཞིན་གཤེགས་པ་ཐམས་ཅད་ཀྱི་སྐུ་གསུང་ཐུགས་རྡོ་རྗེ་བཀོད་པ་ཆེན་པོའི་རྒྱུད་ལས། ས་དང་ལམ་གྱི་རིམ་པའི་ལེའུ་སྟེ་བརྒྱད
114b5 པའོ།། །། དེ་ནས་བཅོམ་ལྡན་འདས་འཇིགས་བྱེད་རྒྱལ་པོ་ཞེ་སྡང་རྡོ་རྗེས་སྲས་རིགས་ཀྱི་ཁྲོ་བོ་འདི་སྟོན་ཏེ། གྲུ་གསུམ་མཐིང་ནག་འབར་བའི་དཀྱིལ་འཁོར་ན། རྡོ་རྗེའི་རིགས་ཐམས་ཅད་སྐུ་མདོག་མཐིང་ནག
114b6 ལ། ཞལ་གསུམ་ཕྱག་དྲུག་པ། སྐུ་སྨད་ཕུར་བུའི་ཚུལ་དུ། ཟུར་གསུམ་དུ་བཞུགས་པ། ཞལ་ནས་ཕུར་པའི་འཛབ་ཟློས་ཤིང་། ཀཱི་ལ་ཡ་མཐིང་ནག་ཏུ་འཕྲོས་པས། ཞེ་སྡང་དམྱལ་བའི་གནས་ཐམས་ཅད་སྟོང་ཤིང་ཟད
iiif viewer powered by OpenSeadragon
