| e-texts navigator |
| Wylie |
112b1 བསྟན།། ཕུར་ནི་ཆོས་ཀྱི་དབྱིངས་ཞེས་བྱ།། པ་ནི་རིག་པའི་ཡེ་ཤེས་ཡིན།། ཕུར་ནི་སྐྱེ་བ་མེད་པ་ཡིན།། པ་ནི་འགག་པ་མེད་པ་ཡིན།། གཉིས་སུ་མེད་པ་ཕུར་པའི་ངང་།། ཕུར་ནི་ཐབས་ཀྱི་རྒྱལ་པོ་ཡིན།། པ་ནི་ཤེས
112b2 རབ་ཡུམ་གྱི་དོན།། གཉིས་སུ་མེད་པའི་རྡོ་རྗེའི་ངང་།། ཕུར་པ་ནམ་མཁའི་མཐའ་དང་མཉམ།། ཕུར་པ་ཁྱབ་གདལ་ཉི་ཟླ་འདྲ།། ཀུན་ལ་སྙོམས་པའི་ངོ་བོར་སྣང་།། ཕུར་པ་ཆོས་ཀྱི་ཆོས་ཉིད་ཡིན།། ཕུར་པ་ནམ
112b3 མཁའི་མཚན་ཉིད་ཡིན།། ཕུར་པ་སེམས་ཀྱི་སེམས་ཉིད་ཡིན།། ཕུར་པ་རྒྱུད་ཀྱི་རྒྱལ་པོ་ཡིན།། ཕུར་པ་ལུང་གི་བླ་མ་ཡིན།། ཕུར་པ་མན་ངག་ངེས་པའི་དོན།། གསང་བའི་སྔགས་ཀྱིས་བསྐྱེད་པར་བྱ།། གང་ལ
112b4 དམིགས་པའི་ངོ་བོ་ལ།། ཕོ་ཉ་སྐར་ཚོགས་སྤྲིན་ལྟར་གཏིབས།། དཀར་ནག་མཚམས་ནས་དྲངས་ནས་ནི།། ལྷ་གཟུགས་ཕྲལ་ཏེ་བརླག་བསམ་སྟེ།། རྡོ་རྗེའི་བྲག་ཀྱང་འཇིག་འགྱུར་ན།། སྡིག་ཅན་དགྲ་བགེགས་སྨོས
112b5 ཅི་དགོས།། ཕོ་ཉ་མང་པོས་སྟོང་ཁམས་གང་།། འཕྲལ་ལ་གང་བ་མ་ཡིན་ཏེ།། ཡེ་ཉིད་ནས་ནི་གང་བར་གནས།། གསལ་བར་བསྒོམ་ནས་བཀྱེ་བ་ཡིན།། ཉམས་སུ་ཆུད་ན་བསྒྲལ་བ་ཡིན།། གཉིས་སུ་མེད་ན་སྦྱོར་བ
112b6 ཡིན།། ལྷངས་ཀྱིས་རྟོགས་ན་ཟེབས་པ་ཡིན།། དེ་བཞིན་གཤེགས་པ་ཐམས་ཅད་ཀྱི་སྐུ་གསུང་ཐུགས་རྡོ་རྗེ་བཀོད་པའི་རྒྱུད་ལས། རང་བཞིན་གྱི་ལེའུ་སྟེ་ལྔ་པའོ།། །། དེ་ནས་བཅོམ་ལྡན་འདས་འཇིགས་བྱེད
iiif viewer powered by OpenSeadragon
